O Kandɔɔ 10:6 - BII BILA

⁶ Poaa Ham-nda yɔŋnun haa ni: Kus, Misrayim, Put a Kanaan.

O Kandɔɔ 10:6 Referans Kwoze

Esekiɛl 27:10

Vannda Pɛrse, haa Lud a haa Put va vallo vanaa nɔmaa cɔwva tɛɛn, nda va langbaa cɔvaa nɔmnda ni. O nɔmndo ndáà landu kɔ̀ɔ̀la cɔwlan a mɔsilta cɔwlan ni, nda va biilu nɔmndo ni.

Yeremi 46:9

Soa, la cɔn le cɔwvo! Ɲɛla ɲaanannda cɔwla soa nan-ndan, la keleŋa! Vanaa caa cɔwvo caa bɛndoo-a, niaa fula Etiopii-a, niaa fula Put-a niaa caa kɔ̀ɔ̀ cɔwvo hiŋndo-a, niaa fula Lud-a a niaa caa kpaasiaa vuuo-a, la cɔn!»

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Condii lisai 106:22

o tosa dɛnnda kɔndɔfiltan o lɛŋnde Ham-nden nin a la kaamaalan o mɛmma ihɛlma makpɛ̀ndɛ̀an kɔngɔ-o.

Condii lisai 105:27

Má kɔ tosa dɛnnda kaamaala Hala ndóò dimul nda le tosaa Esiptea tɛɛn ndan, má tosa dɛnnda kɔndɔfilta bɛndulan o lɛŋnde Ham-nden nin.

Condii lisai 105:23

O kon kɔɔli, mí Israɛl kɔa o lɛŋnde Esipte len nin, mí Yakɔb siŋnun miallo o lɛŋnde Ham-nden nin.

Condii lisai 78:51

Mí Hala diw poaa tasea ndaa kpow Esipte, a yɔŋnun hɔ́aa tasea o yungula Ham-ndan nin-nda pɛɛn.

1Dɛnnda lemasalan 4:40

Lon ndáà komal bil puiyaa kɛndɛ-kɛndɔɔ ni. Lɛŋnde len le va lebɔɔ, vóólun-vóólun ve lon te, kɔlɲuloo koni vannun ndon ni. Kani poaa imamaa Ham-nda va icali lon paandu ni.

O Kandɔɔ 9:22

Mí Ham po ndɔ, fuɲaa Kanaan, kɔ komal ndu ihini tum fondo fúú, mó kɔ dimul Sɛm nda Yafɛt, nda va o bɛ́ɛ̀.

O Kandɔɔ 9:18

Poaa Noe-aa fula o dɛ̀ndɔ̀ɔ́ nin-nda va Sɛm, Ham a Yafɛt ni. Ham yɔŋnun fuɲaa Kanaan ni.

O Kandɔɔ 10:5

O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

Esekiɛl 38:5

Vanaa cɔwva Pɛrse, haa Etiopii a haa Put handunnin nda coo. Nda kpow a nɔnin kɔ̀ɔ̀la cɔwlan o laba a mɔsilta kengelɛila cɔwlan o lebol.

O Kandɔɔ 2:13

Tɛyii diinndɔɛi pee kon va Kihon ni. Ndi balu lɛŋnde Kus len kpow ni.

O Kandɔɔ 5:32

Mɛɛ Noe cii vɔsilan kɛmɛ leŋuɛɛnu, mó vialu poaa nda yáá: Sɛm, Ham a Yafɛt.