O Kandɔɔ 10:2 - BII BILA

² Poaa Yafɛt-a yɔŋnun haa ni: Komɛr, Makɔk, Madai, Yavan, Tubal, Mesɛk a Tiras.

O Kandɔɔ 10:2 Referans Kwoze

Esekiɛl 38:2

«Po vanacieo sei, muli hɔlla o masaa Kɔk lo, o lɛŋnde Makɔk len nin, Kɔk kon pɛɛn, o co simlacinɔ lebollo le vannda Mesɛk a haa Tubal-lo, mà tɛɛngul ndu diom Hala-o a tambii o hun tambunin-nde o kɔɔ.

Esekiɛl 38:6

Lɛŋnde Komɛr len a vanaa ndɔa cɔwva kpow, yungu Tokarma co o lɛŋnde maluaŋ-nden nin di-di-o a vanaa ndɔa cɔwva kpede. Vanaa sɛ́lɛ́ bɛndua kan kpede a vanin a nɔm latulu.

Dɛnnda cɔɔmuanndan 20:8

mò fula le vanaa-mangalaa-isɔɔa co o lɛŋnden kpengun hiɔɔlon-nda lueiyo o pɔwlan nin, Kɔk a Makɔk pɛɛn, haliko mo mɔɔsiaa nda le cɔwvo tosaa. A vanin sɛ́lɛ́ maa sióóndon o mɛmma ihɛllan nin.

Esai 66:19

I handunin tɔɔmaseloo nda tɛɛn, mì vem vanaa ndaa lonin yoomu-a o vanaa-mangalaa-isɔɔa lo, mì vem nda Tarsis, Pul, Lud (o vanaa vuaa lakpaasiaa kan ndo). I viamnin vɛlɛ nda Tubal a Yavan, o lɛŋii co o mɛnndan tɛɛn a o mɛnndan kɔngɔ-e nin, i co ken levil lándan-nde. Vanaa co lon-nda a tui-yɔ isɔɔ a ya (Mɛlɛka) o kɔɔ le, a ci vɔ vɛlɛ biilu nuu le. A cɔmnin vanaa-mangalaa-isɔɔa biilu nuu.

Esekiɛl 39:1

Nɔm Po vanacieo sei, tɛɛngul Kɔk diom Hala-o a dɛnɛ palaa toalnin ndu coo-o. Dimul ndu aa: Nuaa Maalii, o co Mɛlɛka-o dimi ni aa: «Má cè ya nɔm cɔlɔbaa, nɔm Kɔk, nɔm simlacinɔ lebollo le Mesɛk a Tubal!

Esekiɛl 38:15

A cannin o calta nɔmndan, o lɛŋnde maluaŋ-nden nin di-di, mà hin a vannda sɛ́lɛ́ bɛndoo nɔm kɔɔli. Nda kpede a vanin o soa coo, mà hin a sɛ́lɛ́ bɛndoo a vanaa cɔwva taw-taw kɔɔli.

Esekiɛl 27:19

Vannda Vedan a haa Yavan fulaa Usal bɛɛ va hunɔɔ vɔngulan o nɔm ndo, a va hunɔɔ a ciliŋun cɔavan, a tɔɔyun cun kɛndɔn le vɔngulan tosaa niaa ndaa.

Esekiɛl 27:7

Kolala-keesela sɔɔlaalan Esipte la va kola nɔm vaan-vaan kuumbuan o hɔl-lo a vanaa sina nɔm kɔɔli-kɔɔli-a ni. Kola siaŋa vólotótoo a kola siaŋa sɔɔtɔtɔɔ, la fula o lɛŋii co o mɛnndan tɛɛn Elisia lan la va la kumbuaa o vɔngula nɔmndan coo ni.

O Kandɔɔ 10:21

Mí Sɛm, bɛndoo Yafɛt bɛɛ vialu vanpiaandua. Ndu Sɛm kon yɔŋnun fuɲa-mama Hebɛr-o a polale fula o Hebɛr nin-nden kpow ni.

O Kandɔɔ 9:27

Màá Hala kui lɛŋnde Yafɛt len, mò va icali o cɛila-kolala-toandaala Sɛm-ndan bɛngu! Màá Kanaan siŋnun cɛ ndaa fɔ́!»

O Kandɔɔ 10:1

Kpundɛ mɛmma bɛndoo hiovɔɔ, mí poaa Noe-a, Sɛm, Ham a Yafɛt a vialu cuawva. Yungula ndalan la yɔŋnun ndan ni:

2Masaa 17:6

O vɔsi ŋɔmahiɔɔlundɔɔ nin o masale Osee len bɛngu, mí masaa Asiri bii Samari, mó kɔa a Israɛlaa va lon-nda o biyɔɔ nin o lɛŋnde ndɔlen nin. Mó kɔ kɛsi nda o tàndá nɔ diolan aa Halah-o nin, o peo Habɔr kɔngɔ, o lɛŋnde Kosan-nden nin a o kobila Mɛdea nin.

Condii lisai 120:5

Dɛnɛ palaa co le ya, le calii ya cal vanaa laasiannda ha tɛɛn, mí kila caltan o cɛila-kolala-toandaala vanaa diuvaa n'vannda ha tɛɛn-nde!

Esekiɛl 32:26

Lon masaa Mesɛk, hoo Tubal a vanaa ndaa sɛ́lɛ́a kpede a co ni. Sɛila vanaa ndaa kan la balu sɛila nda pilalan pindo. Vanaa dii kan tooma le-a kpow a sɔla piɔ́mndo o mɔɛi cɔwve bɛngu, kani a va vannda siòònde lueiyo o lɛŋnde vanndacieaa yoomaa coo.