O Kandɔɔ 10:19 - BII BILA

¹⁹ mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa.

O Kandɔɔ 10:19 Referans Kwoze

O Kandɔɔ 14:2

Mí masaa hiɔɔlua kan kɔ del Bera masaa Sodɔm, Birsa masaa Komɔr, Sineab masaa Adma, Semɛebɛr masaa Seboyim a masaa Bela (kon co dimio ni aa «Soar») coo a cɔwvo.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Yeremi 25:20

kɔ bii niko a vanaa yɛ́-yɛ́a co o lɛŋnde Esipte len nin-nda, masaa co o lɛŋnde Ut len nin-nda, masaa Filistia co Askelɔn, Kaasa, Ekrɔn a Asdɔd-a,

Masaa kialaa n'yamaa 16:1

Paale pum, mí Samsɔn kɔa Kaasa, mó ca vanalanɔ suundɛiyo pum, mó hini a ndu.

Tɔŋ miingua 32:8

Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

O Kandɔɔ 26:1

Tuma kon vɛlɛ, mí yima fofolan ma luɛi o lɛŋnde len nin, yima man maa hiow yima fofolama luɛi o paale Abraham-nden ndan. Le hee, mí Isaak kɔa Kerar o masaa Abimelɛk lo, masa Filistia pɛɛn.

O Kandɔɔ 20:1

Mí Abraham faŋan nɛɛ o va icali-a, mó kɔa Nekɛv. Mó kɔ cal Kadɛs a Sur tɛɛn. Mó faŋan vɛlɛ lon, mó kɔ cal Kerar.

O Kandɔɔ 18:20

O kon, mí Mɛlɛka dimul Abraham aa: «Caŋnda vannda co a kɔlvesɛi yungoo Sodɔm a yungoo Komɔr o sondo lan la co labɔɔ. A hiw bɔɔ laasianndo a yɔŋ vɔɔndo.

Dɛnnda kiilaa 8:26

Mí mɛlɛkanɔ Hala-o dimul Filipe aa: «Cɔn ma kɔɛ a ba too, o nɛi cɛn Yerusalɛm o lɛŋnde veselɛilen nin, mó kɔa Kaasa-o.»

O Kandɔɔ 10:18

Arvadiia, Semariia a Hamatiia ni. O kon kɔɔli, mí polale Kanaan-nden le sɛŋin,

O Kandɔɔ 10:20

Yungula fula o polale Ham-nden nin-ndan la yɔŋnun ndan ni. A va a piɔvannda a kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

O Kandɔɔ 14:3

Mí masaa nda kuel kan a cɔwvo-a bɛɛ cuungiaa vanaa ndaa cɔwva o dɛɛla bɛndoo Sidim nin, nɛɛ mɛmma hɛlii bɛnduan ma co nin hau-va.

Yosue 19:28

Mí la kei Ebron, Rehɔb, Hamɔn a Kana, mí la kɔa háá Sidɔn-Bɛndoo.

2Dɛnnda lemasalan 14:13

Má bii vɛlɛ kobiláà balu Kerar lan kpow, kani Mɛlɛka ndóò cii nin vanaa va o kobila lan nin-nda siòònde luei. Má poonda ɲɛm va lon-ndon kpow, má kɔannun.

Esai 23:4

Kpòkóó kobio Sidɔn, ɔ́ɔ̀ siɛmbula hiow lan-ndan, nɔm co nɛɛ viannannda le mɛmma ihɛllan-ndo! Mɛmma ihɛllan ma soo, mí ma dimi aa: «Dembe vialaa nɛi ya le, i vilu cua le. I manda cuavaa piaandu le, i manda cuavaa laandu le.»

Yeremi 47:1

Mí Mɛlɛka soaa o Yeremi lo, mó dimul ndu isɔɔ a Filistia o kɔɔ, masaa Esipte ndóò del lɔ Kaasa coo a cɔwvo le.

Esekiɛl 28:21

«Po vanacieo sei, muli hɔlaa nɔmnda a kpengii kobio Sidɔn, mà tɛɛngul ndu diom Hala-o.

Tɔŋ miingua 2:23

Lende koni o tosal vɛlɛ Aviia ni, á co icali o sɔndɔkɔltan nin háá Kaasa-a. Mɛɛ vannda pum cɛn Kaftɔr, má hun diw Aviaa kan kpow, má hialu fonda ndaa.

Masaa kialaa n'yamaa 6:4

Ndáà kila dɔ́ɔ́ngɔ́ ndaa o lɛŋii ndɛi coo, ndáà tɛɛmbuu tɔlɔɔla ndalan o ciɛɔn nin kɔlan tiiyaa háá Kaasa ciee-lekɔɔ. Kandɔɔ nawva, sofɛlɛa, saa, kɔ bii niko a ɲɛdiaa, ndáà basu selemenden, ndáà kɔɛnnun. Ndáà mel Israɛlla ɲɛ-ɲɛ le.

1Samiɛl 13:18

mí kunda diinndɔɔ bii nɛiyo le kɔlan a ba Bɛt-Hɔrɔn-ndo, mí o yàándɔɔ kɔa a nɛi kɔɛ o pɛɛngulan a ból Sulukua-o, a kpengii lɛŋnde veselɛilen.

2Dɛnnda lemasalan 14:12

Mí Asa a vanaa ndɔa cɔwva ɲaanun nda kɔɔli háá Kerar. Mí Etiopiia vu taw-taw, vana-vana nɔla yoomu ndɔɔ baŋa le, kani Mɛlɛka a vanaa ndɔa cɔwva diw nda ni. Mí Yudaa poonda bolofaa cɔwvo taw, má kɔannun a ndu.

SƐBƐ YƆB-O 38:20

Vɛ̀ɛ̀ a nɔla pá ma nuwviaa man nɛɛ ma co-a? Vɛ̀ɛ̀ a sina pá nɛilan le kɔlan o calta ndɔlan?

Esai 23:11

Bau Mɛlɛka siɛndi ba ndɔɔ o mɛmma ihɛllan coo. O hiiluu masɛi yongban-yongban, O dimul vannda le fondala mayoomulan Kanaan tɛɛmbuuo.