O Kandɔɔ 10:15 - BII BILA

¹⁵ Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

O Kandɔɔ 10:15 Referans Kwoze

Fulaa 34:11

Lelan, bii sɔɔn ya co nɔm hau dimullo-on kpáŋ. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

1Dɛnnda lemasalan 1:13

Mí Kanaan vialu Sidɔn, po ndɔ tasoo yɔŋnun kon ni, mó vialu vɛlɛ Hɛt.

O Kandɔɔ 23:3

O kon kɔɔli, mó faŋan nɛɛ vana vílɛ́iyo va-a, mó kɔa o Hitiia lo, mó dimul nda aa:

Esai 23:4

Kpòkóó kobio Sidɔn, ɔ́ɔ̀ siɛmbula hiow lan-ndan, nɔm co nɛɛ viannannda le mɛmma ihɛllan-ndo! Mɛmma ihɛllan ma soo, mí ma dimi aa: «Dembe vialaa nɛi ya le, i vilu cua le. I manda cuavaa piaandu le, i manda cuavaa laandu le.»

2Samiɛl 11:3

Mí David viam vanndo le kɔlan sɔɛi cua kon sinaa. Mó hun dimul ndu aa: «Bat-Seba ni, cua Eliam-ndo, lanɔɔ Uri Hitiinɔ pɛɛn.»

Yosue 11:8

Mí Mɛlɛka mal nda Israɛlla o ba, má diw nda. Má toaw nda háá o kobi bɛndoo Sidɔn, kɔlan háá Misrefɔt-Maim a o bóllo Mispa a ba paalen le can-ndo. Má diw nda, hali vana pilɛ a mɛi yoomu le.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

O Kandɔɔ 49:13

Calta Sabulɔn-ndan la vanin o mɛmma ihɛllan demullo, o nɔnin fonda dɛ̀ndɛ̀lan la sim-ndo o kɔngɔ ndɔɔ coo. Lɛŋnde ndɔlen le pɛngɛlannin háá Sidɔn.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

Yeremi 47:4

Kani paale tɛɛmbua len le tiiya le Filistia kpow. Vana-vana co lɛ le kobilan Tir a Sidɔn malaa le. Mɛlɛka co cii ɲɛ-ɲɛ fee tɛɛmbuu o Filistia lo, vanaa lo yoomu o lɛŋnde ibunga len Kaftɔr nin-nda.

Esekiɛl 28:21

«Po vanacieo sei, muli hɔlaa nɔmnda a kpengii kobio Sidɔn, mà tɛɛngul ndu diom Hala-o.

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»

2Samiɛl 24:6

Má kɔa o tàndá Kalaad-o nin o lɛŋnde Hitiia nin Kadɛs. Má kɔa Dan-Yaan a o tàndá balu ndu-o nin, má kɔa vɛlɛ o lɛŋnde Sidɔn-nden nin.

Esekiɛl 27:8

Vannda Sidɔn a haa Arvad va vanaa tɛɛngaa ladɛ̀ndɛ̀a nɔmnda ni. Òó nɔm Tir! Vanaa hiow dɛ̀ndɛ̀la mamɛnndan caa ɲaanɔnndo taw-va va kɔlan a dɛ̀ndɛ̀la nɔmndan ni.