O Kandɔɔ 10:11 - BII BILA

¹¹ Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

O Kandɔɔ 10:11 Referans Kwoze

Misee 5:6

«Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Yonas 1:2

«Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»

Condii lisai 83:8

Amɔnnda, Amalɛkea, Filistia a vanaa fula Tir-a.

Sofoni 2:13

Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.

Nahum 3:7

O kon, vana-vana ce nɔm pɛ, o ɲaanun, o dimi aa: ‹Kpòkóó, Ninive tambu fɔ́! Nɛ̀ɛ́-nɛ̀ tuinun yɛnin ndu iɲíí?›»

Nahum 2:8

Piɔm laandu va lon-ndo solin ceen, a kɔɛnnun a ndu. Vanlaandua va baalaa tosaa o cɛi piɔm kon nin-nda co koŋullo maa n'poonpoon, a co balan handɔnndo o takpa a mɔnɛi.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Esekiɛl 32:22

Lon masaa Asiri co ihini a vanaa ndɔa cɔwva kpow ni. Sɛila vanaa ndɔa cɔwva la balu sɛi ndɔɔ pindo. Nda kpede lɔwviaa nda lɔwviaa nda ni, mɔɛi cɔwve cɛɛluu nda ni.

Esekiɛl 27:23

Haran, Kannee a Edɛn, yulaa Saba, haa Asiri a haa Kilmad va vɔngula ndalan tosaa niaa ndaa,

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Ɛsdras 4:2

mí yaamɔaa kan hun o Sorobabɛl-lo a o vanaa va bolii lapangɛi-ya lo, má dimul nda aa: «N yeema mi n mala niaa Cɛi-Hala-o ho mingi tangul, kani Hala pilɛ kon koni naa n co biiloo naa niaa ni, o co lɛ hau le naa n co ndu sálàlan solullo le, kabi o paale Asarhadɔn masaa Asiri len, o cuu naa nanu-o.»

2Masaa 19:36

O kon, mí Sennakerib, masaa Asiri puusiaa dɔ́ɔ́ngɔ́ɔ̀, mó muungun Ninive, mó kɔ cal lon.

Kundalan 24:24

Dɛ̀ndɛ̀la bɛndula mamɛnndan la cɛn Kitim mí la hun. Vanaa hin a lan-nda delnin yungu Asur-o coo, a biinin cuavaa-imamaa Hebɛr-a, kani cuavaa-imamaa Hebɛr-a kan bɛɛ, tambei co nda laci.»

Kundalan 24:22

Kɛ vɛɛŋii niɛi co cuvɔɔ ŋɔ kpow lɔ́ɔ́ Asur kɔanin a cuavaa niaa imamaa o biyɔɔ nin-ndo.

O Kandɔɔ 10:12

mó tangul vɛlɛ kobio pum diolan Resɛn, o kobio Ninive a o kobi bɛndoo Kala tɛɛn o tangul ndu ni.