O Kandɔɔ 1:6 - BII BILA

⁶ Mí Hala dimi vɛlɛ aa: «Ɲɛ pandonndo fulá tɛ́ngɛ̀-tɛ́ngɛ̀ le mɛnndan sɛiyo tɛɛn kundala bɛndulan tan tiɔn.»

O Kandɔɔ 1:6 Referans Kwoze

SƐBƐ YƆB-O 37:18

vɛ̀ɛ̀ a nɔla mà tondu halataalaa maa Hala, mò kendu maa ciliŋii kálà-kálà?

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

Condii lisai 33:9

Kani o soo pɛ, sɔɛi ken peelun, o dimi dɔ́ɔ́ pɛ ɲɔɔ tosan.

Condii lisai 148:4

Niaa halataala coocoo, la biilu ndu, niaa mɛmma co o halataalaa coo-an, la biilu ndu.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Condii lisai 19:1

Condii David-e, í fula o condun simlacinɔ vanaa n'condua nin-nde.

O Kandɔɔ 1:20

Mí Hala dimi aa: «Ɲaa yoomaa fulá taw-taw o mɛnndan nin, yowva fulá coocoo taw mà va kelaa.»

SƐBƐ YƆB-O 26:13

Hoeyii fula ndu o milin-nde i simbulu halataalaa, ba ndɔɔ buli N'yalɛ́i co kiltan-ndo.

Condii lisai 150:1

La lisa Mɛlɛka. La lisa Hala o Cɛi ndɔ Diandaa nin, la lisa ndu o halataala nɛɛ kpaaya ndɔɔ cɔmnun ceen-nda.

SƐBƐ YƆB-O 37:11

Ndu pei ɲɛ ɲuloo o yumbuyumboo nin coocoo ni, mò sɛŋi ndu ba-ba fee a piɔɔ-volia.

Vana Kɔlkaloo 11:3

Yumbuyumboo pɛ̀ pɛ a mɛnndan, piɔɔ tol o lɛŋnden coo. Nɛɛ-nɛɛ yɔmndo del pɛ, o va a ba too, o va a ba luaŋ-ndo, fonda o del coo-o, lon o lo ihini ni.

O Kandɔɔ 1:14

Mí Hala dimi aa: «Ɲɛm pangelon fulá o halataala le paalen sɛiyo a ɲumndan, mì ɲɛm pangelen mun cɔm telennda vɔsio, palɛi a vɔsilan.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

2Piɛr 3:5

Má tosa maa lapɔɛɛnɔn, maa o co nin lɔ́ɔ́ levil, mí Hala cɔaw halataalaa a lɛŋnden a sɔɛi ndɔɛi. Mí lɛŋnden le fula o mɛnndan nin, mí le sɛyan a man, mí le tosan o sɔɛi Hala-e ken nin.

Esai 40:22

Ndu co icali o kikil lelɛŋndo bollen ni, vanaa co icali lenin-nda maa n'sóónɔ nda co ni, o pɛngɛla halataalaa maa kola toandaa, o pɛngɛla ndu maa cɛi-kola-toandaa le calta ndɔlan kilaa lenin.

Condii lisai 19:2

Halataalaa co yondaa a biilu Hala-o o kɔɔ, nɛɛ loeon co coocoo-a co vali Hala tosa a laba-o cɔmndo.