O Kandɔɔ 1:29 - BII BILA

²⁹ Mí Hala dimul nda vɛlɛ aa: «I yɔngu niaa bil oo bil koam kullon o lɛŋnden coo kpow a yɔm oo yɔm koamaa, haliko mi la va baloo dɔwnɔnndo a kon.

O Kandɔɔ 1:29 Referans Kwoze

O Kandɔɔ 9:3

Ɲaa yoomaa co kelaa o lɛŋnden coo-a kpede vanin ɲɛ niaa diaa ni. Mɛɛ ya yɔngu niaa bil kiyɛiyo a yɔmii koamɛi le dioo yɛ, lende koni ya yɔngu vɛlɛ niaa ɲaa yoomaa kan ni.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Dɛnnda kiilaa 17:28

Kani: ‹O ndu nin naa nɔ yoomoo, kpaaya biiŋuanndo a co naa n co-o ni.› Maa mɛɛ vanaa sɛvaa niaa pum a dimi yɛ aa: ‹Cuavaa ndɔa naa bɛɛ n co ni.›

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Condii lisai 147:9

O co cɔlua baloo keo. Te yiaan ma nɛi pɛ basabasakoendea cuawva, ma caŋ, o ke nda ɲɛdiaa.

Condii lisai 136:25

Mó ke ɲɛm o cɔw-von kpow yoomoo-o, kani kaola ndɔɔ nɔ lamɛɛlu le.

Matie 6:11

Yɔngu naa n diaa lepalaa-lepala-o le paalen nden hau.

SƐBƐ YƆB-O 36:31

Piɔɔ o tuisì kon-ndo yɔngu vanndacieea yoomoo ni, mò ke nda ɲɛdiaa tìw nda ɲɛkɛndɛi-yo.

O Kandɔɔ 2:16

Mí Mɛlɛka Hala hendul ndu tɔŋndo aa: «A nɔla mà de kɔmnde yɔm oo yɔm co o nakɔɔ ho nin,

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Esai 33:16

Vana súú vaa lendeo ndu calnin o fondala yesalan coo ni, powta kpovala bɛndulan la vanin calta ndɔlan ni, ɲɛdiaa yɔngunin ndu mì mɛnndan ma kennun ndu.

Condii lisai 146:7

O co vanaa co o sangaa nin-nda dɛnɛ sandaa tosallo, mo va vanaa yiyan ma co nɛiyo-a baloo keo. O co vanaa co o kaasoo-a hɔ́ɔ́yɛi yɔngoo.

Condii lisai 115:16

Mɛlɛka nɔ halataalaa ni, mó ke vanndacieea lɛŋnden.

Condii lisai 111:5

O co vanaa nɔ siòòŋii ndɔɛi-ya baloo keo, o co loonɔnndo a kpema ndɔɔ o kɔɔ lɔ́ɔ́-lɔ́ɔ̀.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

O Kandɔɔ 6:21

Cua ɲɛm dian súúlan kpow mà mandan ikɛi le dioo niaa vanndacieea a cɔlua vanin nɔm ikɛi-ya.»