O Kandɔɔ 1:26 - BII BILA

²⁶ Mí Hala dimi aa: «N cɔwnun vanacieo a velan naa, mò vel naa, mì vanaciee kon va vana bɛndoo suvaa co o mɛnndan nin-nda, yovaa co coocoo-a, visia cieeninnda, visia co o lɛŋnden coo-a kpow a visia pɔmbɔa kela lɛŋ-nda coo.»

O Kandɔɔ 1:26 Referans Kwoze

Kolɔsea 3:10

mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.

Efɛsea 4:24

La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

O Kandɔɔ 3:22

Mó dimi aa: «Mɛɛ vanacieo siŋnun maa naa le dɛnɛ kɛndɔɔ a dɛnɛ vɔɔndo sinaa yɛ, naa bɛɛ n kùùnan ndu le tiiyaa o yɔm cindaa. Kani te o de pɛ kɔmnde yɔm kon, o co vannɔn yoomu le fɛɛn a fɛɛn.»

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

Condii lisai 100:3

La sinà maa Mɛlɛka co Hala ni, ndu cɔw naa ni, a ndɔa naa n co ni, vanaa ndɔa pɛɛn, vanaa o co baloo dɔvɔɔ-a.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Nsaki 3:9

A len naa n mel Mɛlɛka Fuɲaa balika ni, a len koni naa n mɛɛniaa vɛlɛ vanndacieea cɔwnun a velan Hala-o-a ni.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

1Korɛntea 11:7

O bɛnda mì vanapɔnɔɔ kumbu bollen te, kani ndu co velan biilu Hala-o ni. Vanalanɔɔ yɛ, ndu co biilu vanapɔnɔɔ ni.

O Kandɔɔ 9:6

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

1Nsaŋ 5:7

Seiya nda yáá co seilen tɛndaa ni:

Nsaki 3:7

Kani vanacieo tiwba mo tosa hɛnan ndɔɔ visia yondoa, yowva, ɲaa sasun lɛŋ-nda a visia peea súúlan kpow coo, nduyɛ mò tosá hɛnan ndɔɔ nda coo.

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

Yeremi 27:6

I co niko lɛŋii ken kpow malɔɔ vana ni baalaa o ba, Nebukanɛsar masaa Babilɔn pɛɛn. Hali visia yondoa, a tosalnin ndu baalaa.

SƐBƐ YƆB-O 35:10

Kɛ vana-vana dimi le aa: ‹Ɔ́ɔ̀ Hala toosiaa ya-o? Ndu tosa ni mì n soli condun kɔlkɛndɔn a di-tɛɛndo.

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

Dɛnnda kiilaa 17:20

Kani sɔɔn naa n dema tueyɔɔ loon n co naa dimullo ni. N yeema mì n sina mun kɔlɔlan.»

SƐBƐ YƆB-O 5:23

Kani kpemaa vanin niaa tɛɛn niaa powtan o yondoo nin. Kɔlɲuloo vanin niaa tɛɛn niaa visia yondoa.

O Kandɔɔ 2:19

Mí Mɛlɛka Hala cɔaw visia yondoa a yowva súúlan kpow a puuloo, mó yaa nda o vanapɔnɔɔ lo le cɔu mɛɛ ndóò kenin nda diolan yɛ. Visi oo visi ndóò bɛnda mì ndóò nɔ diola vanapɔnɔɔ ndóò yɔngunin ndu lan.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

SƐBƐ YƆB-O 39:11

Vɛ̀ɛ̀ ma tiindan ndu le tùú o nɔ kpaaya bɛndoo-o? Vɛ̀ɛ̀ ma ɲindul niko ndu vali n nɔ le tosaa-o?

Condii kɛndɛ-kɛndɛi 1:11

N co nɔm yɔɔva n'sianio tosal mì n mɛli yɔɔvama volin humbuan lenin mapilɛn-pilɛn.