O Kandɔɔ 1:21 - BII BILA

²¹ O kon, mí Hala cɔaw visia kɔndɔfilaa tɔɔmaa bɛndua co o mɛmma ihɛllan nin-nda, a ɲaa yoomaa súúla yɛ́-yɛ́a co o mɛnndan nin-nda, a yowva súúlan kpow. Mí Hala ca maa a naŋ.

O Kandɔɔ 1:21 Referans Kwoze

O Kandɔɔ 1:25

Mí Hala toosiaa visia yondoa mɛɛ nda co a súúlan yɛ, mó toosiaa cɔlua cieeninnda mɛɛ nda co a súúlan yɛ, mó toosiaa visia pɔmbɔa kela lɛŋ-nda mɛɛ nda co a súúlan yɛ. Mó ca maa a naŋ.

O Kandɔɔ 8:19

Mó soli vɛlɛ visia, yowva a ɲaa yoomaa pɔm-pɔmbɔa sasun lɛŋ-nda kpow a ŋiɔn-ŋiɔnda.

O Kandɔɔ 8:17

Soli visia co nɔm ikɛi lon-nda kpow: yowva kpede, visia bɛndua a à pɔmbɔa faw, haliko ma sɛŋin o lɛŋnden coo, mà kui.»

Fulaa 8:3

Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 9:7

Le niaa yɛ, la naŋ ipúlú, la kuí taw mì la tiw o lɛŋnden coo sɔ́.»

O Kandɔɔ 7:14

Mó luɛi vɛlɛ a visia yondoa, a visia cieeninnda súúlan kpow, visia sasun lɛŋ-nda, yowva, kamballa a visia pɔmbɔa kela lɛŋ-nda.

O Kandɔɔ 6:20

Ɲaa yoomaa súúlan kpow a hunnin nɔm ikɛi o dɛ̀ndɔ̀ɔ́, haliko ma cinda: visia pɔm-pɔmbɔa kela lɛŋ-nda, a bɛndua a yowva.

SƐBƐ YƆB-O 26:5

Vanaa co ciee-piɔ́m o mɛmma ihɛllan bɛngu-a, a ɲɛm co lon-ndon kpow n co ɲiiya.

SƐBƐ YƆB-O 7:12

Le yɛɛ nɛ n handu yɛ kpalilla le ya cumullo? Mò va maa mɛmma ihɛllan ya co ni? Mò va maa Ɲɛ yoomaa kɔndɔfili co o mɛmma ihɛllan nin-ndo ya co ni?›

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.

O Kandɔɔ 1:18

le vaa ɲɔɔ teengiaa o lɛŋnden coo ipala a icɔl, a le ɲɛ-tengaa a ɲumndan sɛiyo. Mí Hala ca maa pangele kon naŋ.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Esekiɛl 32:2

«Po vanacieo sei! Soli condii biisiei Faraɔnnɔɔ coo, masaa Esipte pɛɛn, mà dimul ndu aa: ‹A yàlà téndóó nɔm óò velan vanaa-mangalaa-isɔɔa tɛɛn ni. A va paandu maa kui va o mɛmma ihɛllan nin-ndo. A va ciikiaa o peela nɔmndan nin ma va mɛnndan lindaa a labɛngu. A va yeelio kalaŋaa o tɛiyun peela lan nin.›

Yonas 2:10

Kɛ ya, i solulnin nɔm sálàlan, mì soli condei le kɛndɛi nɔmnde sinaa, mì tosa mɛɛ ya cua ciɛ́ɔn yɛ. Kani Mɛlɛka o ba cindaa fula ni.»

O Kandɔɔ 1:20

Mí Hala dimi aa: «Ɲaa yoomaa fulá taw-taw o mɛnndan nin, yowva fulá coocoo taw mà va kelaa.»

O Kandɔɔ 1:22

Mí Hala dɔaw nda duaa, mó dimi aa: «La naŋ ipúlú, la kuí taw, mì la pɛ cá o mɛmma ihɛllan nin a o peelan nin. Yowva bɛɛ kuí taw o lɛŋnden coo.»

O Kandɔɔ 9:2

Visia bɛndua a à pɔmbɔa o lɛŋnden coo, yowva, visia sasun lɛŋ-nda a suwva o peelo kpow a nɔnin siòòŋii niɛi. Niaa o ba bɛngu nda vanin ni.

Condii lisai 148:7

La lisa Mɛlɛka, niaa vanaa co cɔnɔnndo o lɛŋnden coo-a, niaa ɲaa yoomaa tɔɔmaa bɛndua co o mɛmndan bɛngu di-a a niaa co o mɛmma ihɛllan bɛngu-a kpow.

O Kandɔɔ 2:19

Mí Mɛlɛka Hala cɔaw visia yondoa a yowva súúlan kpow a puuloo, mó yaa nda o vanapɔnɔɔ lo le cɔu mɛɛ ndóò kenin nda diolan yɛ. Visi oo visi ndóò bɛnda mì ndóò nɔ diola vanapɔnɔɔ ndóò yɔngunin ndu lan.

SƐBƐ YƆB-O 12:7

Kɛ ɲuna vɔ visia mà kindi nɔm kɔl, Ɲuna vɔ yowva coocoo mà pɛɛku nɔm isɔɔ.