O Kandɔɔ 1:2 - BII BILA

² Lɛŋnden le va tulumasaa, ɲɛ-ɲɛ ve lecoo le. Ɲumma bɛndu-bɛnduan ma va matoalaa kpingbi o mɛnndan coo. Kɔl Hala-o va o pɛɛngaa o mɛmma man coo.

O Kandɔɔ 1:2 Referans Kwoze

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Condii lisai 104:30

Taa mingi nda pɛ yoomoo o n'dial, a muungu a kiyɛi, ɲɔɔn kpow muungu n sɛnɛi o lɛŋnden coo.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

SƐBƐ YƆB-O 26:7

Ndu pɛngɛla halataala o soon bɛndu nɔ lamɛɛlu loo coo ni, ndu landu vɛlɛ lɛŋnden o ɲɛ fondoo coo ni.

SƐBƐ YƆB-O 26:14

Dɛnnda o tosa lan, ɲɛ-pɔmbɔ koni co kon ni, hali o la o tosa lan ndan nin bɛɛ, ɲɛ-pɔmbɔ koni naa n tuei tɔ́ɔ́ ni. Nɛ̀ɛ́ bii yɛnin kpaaya bɛndu ótosà dɛnndan-ndo bila?»

Nahum 2:10

La koeindi volion a sianion cɛilan nin. Bolofaa co o kobio ho nin-ndo cuu cua le, ɲɛm sɔvɛn súú-súù ka n co n'piaa lenin ca.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Tɔŋ miingua 32:11

Mó tosa a nda mɛɛ kovɔ́ɔ̀ landu hɔlla o vɛɛnnde ndɔlen coo yɛ. Kovɔ́ɔ̀ cɛn pɛ, o hiŋnun cuavaa ndɔa coo, o pɛɛnga kumbanndan, o cua cuale ndɔlen, o kɛsi len o kumbannda ndɔlan coo, o hiŋnun a len.

SƐBƐ YƆB-O 38:9

Mí cuɛi man a yumbuyumboo, mí simbul man o mɔ́m bɛndu-bɛndoo nin.

Condii lisai 104:6

A cii len kumbɔɔ a mɛmma ihɛllan mɛɛ vana kumbu ɲɔɔ a kolaa nuaa yɛ, mɛnndan ma hel háá o pembon coo.

Condii lisai 136:6

O pɛngɛla lɛŋnden o mɛnndan coo-o, kani kaola ndɔɔ nɔ lamɛɛlu le.

Condii lisai 148:7

La lisa Mɛlɛka, niaa vanaa co cɔnɔnndo o lɛŋnden coo-a, niaa ɲaa yoomaa tɔɔmaa bɛndua co o mɛmndan bɛngu di-a a niaa co o mɛmma ihɛllan bɛngu-a kpow.

Talelan 8:24

Tuma ya velun-ndo mɛmma ihɛllan máà ve vɔ le, soonnda mamɛnndan láà ve vɔ le.

Esai 31:5

Mɛɛ yowva pɛɛnga kumbanndan o pelta nda kuumbun coo lan coo yɛ, lende Mɛlɛka-Nɔ-Kpaayaa-Kpow-vo pɛngɛlannin Yerusalɛm coo le ndu kandaa ni. O kandanin Yerusalɛmnda mò baŋa nda, o kpakpalanin nda a dɛnɛ vɔɔndo mò ciindiaa nda.