O Kandɔɔ 1:14 - BII BILA

¹⁴ Mí Hala dimi aa: «Ɲɛm pangelon fulá o halataala le paalen sɛiyo a ɲumndan, mì ɲɛm pangelen mun cɔm telennda vɔsio, palɛi a vɔsilan.

O Kandɔɔ 1:14 Referans Kwoze

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Yeremi 31:35

Mɛlɛka, o kɛsi paalen o fonda ndɔɔ-o, o co ɲɛ-tengaa yɔngoo ipala-o, o dimul paangei a loeon le vaa ɲɛ-tengaa yɔngoo icɔl-lo, o tosa mí mɛmma ihɛllan ma hel kpungbuulan a ba ndɔ-o, o nɔ diolan aa Mɛlɛka-Nɔ-Kpaayaa-Kpow-vo-o dimi lende ni.

Condii lisai 148:3

Niaa paalen a paangei, la biilu ndu, niaa loeon co ɲɛ-tengaa yɔngoo-on kpow, la biilu ndu.

Condii lisai 148:6

O cii mun kɛsi o fondalan le lɔ́ɔ́-lɔ́ɔ̀, o hendu mun tɔŋndo, tɔŋ vana kpeeŋianin too.

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

Yeremi 10:2

O dimi aa: «La tuula vanaa-mangalaa-isɔɔa a kela ndaa le. Siòòŋii bii niaa a tɔɔmaselela co o halataala lan te, kani a nda vanaa-mangalaa-isɔɔa nɔ siòònde taw ni.

Condii lisai 81:3

La lɔɔ ɲɛm-caan: la lɔɔ dundoo, la lɔɔ banga diom kɛndɔɔ mì la lɔɔ bondomaa.

O Kandɔɔ 8:22

Te lɛŋnden le co vɔ pɛ, ciɛɔn vanin saŋnɔnndo a kownɔnndo, hoeiye a hangullo vanin, vɔɔlen a sialten le vanin, paalen a ɲumndan ma vanin. Ɲɛm mun pɛnginin tosanndo le few.»

Esai 40:26

La heelu vɔ hɔlla mì la tofa coocoo! Nɛ̀ɛ́-nɛ̀ cɔw yɛ ɲɛm mun? Ndu co tosaa ni mì n va kɔlan o polalen, o co mun veeloo, ɲɛ kɛ́-kɛ̀ a diola ndɔlan. Le kpaaya ndɔ bɛndoo a le yoomuma ndɔan, ɲɛ-ɲɛ co lo kɔɔli le.

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Amɔs 8:9

Diom Maalii, o co Mɛlɛka-o dimi-o co hoo ni aa: «Paale len, paalen le delnin a telen paale kalaa, mì tuisi ɲumndan o lɛŋnden coo ipalaa déŋ.

Yɔɛl 2:10

Lɛŋnden le co nda ɲiiyaa laci, halataalaa hiilun yongban-yongban. Paalen a paangei piimiaa kpilo. Loeon va diondɔɔ-on ɲum pɔ́lì.

Yeremi 33:20

«Ya Mɛlɛka co sɔɛi he dimio ni: Vɛ̀ɛ̀ la nɔla pá tɔŋ ya hendul paalen a ɲumndan-ndo tɛɛmbuu? Vɛ̀ɛ̀ la nɔla pá paalen kuunaa fulaa te kon te ɲumndan kuunaa toolɔɔ?

Dɛnnda cɔɔmuanndan 6:12

Telen o kumbi tɔɔmasele ŋɔmpumndɔɔ-o, mí lɛŋnden le ɲiiya taw, mí paalen le muungu le tiŋi maa volɔɔla biisi, mí paangei kpow i muungu maa makòó,

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Esekiɛl 46:1

Nuaa Maalii Hala dimi ni aa: «Dio bɛndu co o bɛɔ lenin-ndo, o muli hɔlla a ba paalen le can-ndo o bɛnda mò va o kindaa o palɛi ŋɔmpumii co le baalaa-e kpow bɛngu, kɛ o bɛnda mò va o kumbia o paale pɛngiaalen coo, o bɛnda vɛlɛ mo va o kumbia o paale kafo paangii sɛnɛilen coo.

Yeremi 33:25

Ɲɛ ya Mɛlɛka dimi-o co hoo ni: I cii kpemaa yii a paalen a á ɲumndan, mí kɛsul halataalaa a lɛŋnden tɔŋndan.

SƐBƐ YƆB-O 25:5

Tofa vɔ, hali paangei i co idiandaa Hala o hɔl te, loeon bɛɛ n co n'diandaa ndu o hɔl te.

O Kandɔɔ 9:13

I kɛsi ninginangaa coocoo, ndu vanin tɔɔmaseloo le loonɔnndo a kpema ya yiilu niaa-o ni.

Dɛnnda cɔɔmuanndan 8:12

Mí mɛlɛkanɔ hiɔɔlundɔɔ hɔŋ buloo. Mí paalen piɔwvo kundalan tan yáá, kundaa pilɛ piimiaa. Mí paangei piɔwvo kundalan tan yáá, kundaa pilɛ piimiaa, a loeon piɔwvo kundalan tan yáá, kundaa pilɛ piimiaa, mí ɲɛ-tengaa lepalaa baa pilɔɔ o kundala yàálan nin piimiaa, mí i tosan lende a ɲumndan.

Luke 23:45

Mí kola landaa va o Cɛi-Hala-o nin-ndo tɛnda tɛɛn kpala-kpala.

Marke 13:24

«O palɛi ken nin, sanga bɛndu kon hiow pɛ, paalen le piimiaanin, paangei dindunin te,

Esekiɛl 46:6

O paale kafo paangii sɛnɛilen coo, o bɛnda mò soli sálàá a naw tova téndé nɔ lenamta loo o pilɛ, saa téndéa nɔ lenamta le-a a ŋɔmpum a saa kóndó nɔ lenamta loo o pilɛ.

Condii lisai 119:91

Tɔŋnda nɔmndan kpow la co hau mɛɛ n dimi yɛ, kani ɲɔɔn kpede n co nɔm baalaa tosallo.

SƐBƐ YƆB-O 25:3

Nɛ̀ɛ́ nɔla yɛ vanaa ndɔa cɔwva cɔm mɛɛ nda co sɛ́lɛ́ yɛ? Nɛ̀ɛ́ ɲɛ-tengaa ndɔɔ kɛɛ yɛ tenga coo?

SƐBƐ YƆB-O 3:9

Màá loeon co o ɲumma paale siaama man nin-ndon múm pɔ́lì! Ɲumma maa va bɛɛ ɲɛ-tengaa cumndo, màá ɲɛ-tengaa kon ndóò fula le! Màá máà ca ɲɛ-tengaa paale siaa le!

Dɛnnda cɔɔmuanndan 9:2

Mí loei ken kumbi soon kalaa, mí kumnde pum i can lenin maa kumii tóndó bɛndu leyin, mí paalen a hoeiye i piimiaa kpilo a kumii va ken fulaa o soon kon nin-nde.

O Kandɔɔ 1:13

Mí ɲɔɔ yɔŋnun icɔllo a ipalaa. Paale yàándɔlen le yɔŋnun nden ni.

O Kandɔɔ 1:15

Mì ɲɛm pangelen mun va biyɔɔ o halataala le ɲɛ-tengaa yɔngoo o lɛŋnden coo.» Mí ɲɔɔ tosan lende.

Condii lisai 150:1

La lisa Mɛlɛka. La lisa Hala o Cɛi ndɔ Diandaa nin, la lisa ndu o halataala nɛɛ kpaaya ndɔɔ cɔmnun ceen-nda.