O Kandɔɔ 1:12 - BII BILA

¹² Mí yondo kiyɛiyo fula o lɛŋnden coo, mí billo vul súúla yɛ́-yɛ́lan a cuulu ndɔɔ, mí yɔmnde bɛɛ vul súúla yɛ́-yɛ́lan a kɔmnde ndalen. Mí ɲɛ-ɲɛ vul a kɔmnde ndɔlen. Mí Hala ca maa o naŋ.

O Kandɔɔ 1:12 Referans Kwoze

Marke 4:28

Lɛŋnden len pila le co fɔlɔn billo soli, o kon kɔɔli mì yasalan la fula. O mɛɛlulan, maalon pɛ o yasalan cá-cá.

Luke 6:44

O komɔɔ vana sina yɔmnde súúlan ni. Vana kendu vooson o yɔm n'yɔɔ le, vana kendu vɛlɛ rɛsɛnndon o siɛmbullo le.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

Hebreea 6:7

Kani te piɔɔ va pɛ siaa cuɛi-cuɛi o yondoo pum coo, mì yondo kon va vanaa co ndu vaa-a tɔlɔɔla kɛndɛlan yɔngoo, Hala dɔw ndu duaa.

O Kandɔɔ 1:11

Mó dimi aa: «Yondoo fulá mò kumbu kɔngɔ vesɛiyo. Billo fulá a cuulu ndɔɔ mɛɛ súúla ndɔlan la co yɛ, yɔmnde bɛɛ fulá a kɔmnde ndalen mɛɛ súúla ndalan la co yɛ o lɛŋnden kpow coo.» Mí ɲɔɔ tosan lende.

O Kandɔɔ 1:13

Mí ɲɔɔ yɔŋnun icɔllo a ipalaa. Paale yàándɔlen le yɔŋnun nden ni.

Condii lisai 104:14

A co billo solio le cɔlua, tɔlɔɔlan le vanndacieea, haliko ma vàá, ma dɔwnun balo: