O Kandɔɔ 1:11 - BII BILA

¹¹ Mó dimi aa: «Yondoo fulá mò kumbu kɔngɔ vesɛiyo. Billo fulá a cuulu ndɔɔ mɛɛ súúla ndɔlan la co yɛ, yɔmnde bɛɛ fulá a kɔmnde ndalen mɛɛ súúla ndalan la co yɛ o lɛŋnden kpow coo.» Mí ɲɔɔ tosan lende.

O Kandɔɔ 1:11 Referans Kwoze

Hebreea 6:7

Kani te piɔɔ va pɛ siaa cuɛi-cuɛi o yondoo pum coo, mì yondo kon va vanaa co ndu vaa-a tɔlɔɔla kɛndɛlan yɔngoo, Hala dɔw ndu duaa.

Condii lisai 147:8

Ndu kumbu piɔɔ-volia o halataalaa coo ni, mò toosiaa piɔɔ le lɛŋnden pɔɔliaa, mò tosa mì billo vil o pembon coo.

O Kandɔɔ 1:29

Mí Hala dimul nda vɛlɛ aa: «I yɔngu niaa bil oo bil koam kullon o lɛŋnden coo kpow a yɔm oo yɔm koamaa, haliko mi la va baloo dɔwnɔnndo a kon.

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

Marke 4:28

Lɛŋnden len pila le co fɔlɔn billo soli, o kon kɔɔli mì yasalan la fula. O mɛɛlulan, maalon pɛ o yasalan cá-cá.

Matie 6:30

Te Hala cuɛi-yɔ pɛ billo yondoo nin, o co hau kɛ mò hun va siɔdii viowɔn o yin-ndo, vɛ̀ɛ̀ o kɛɛ yɛnin niaa vanndacieea cuɛyɔɔ hiovɔɔ billo coo? Mbɔ̀ laalan niaa dɔɔnan bɔɔ!

SƐBƐ YƆB-O 28:5

Lɛŋnden, lecoo ɲɛdiaa fùlà ni, kɛ o lɛŋnde len bɛngu, vana ca ko aa yinnden le co ɲɔɔ kalaŋaa ni.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

O Kandɔɔ 2:5

yɔmndo ndu pilɛ bɛɛ ndóò vil-lɔ o lɛŋnden coo le, hali billo bɛɛ ndóò vil-lɔ le. Kani Mɛlɛka Hala ndóò tuisi vɔ piɔɔ o ceendo coo le. Vanaciee ve vɔ vɛlɛ le baalaa tosaa o lɛŋnden coo le.

Nsaki 3:12

Puapilɛa nia, buumbuuo nɔla pá mò kom oliveon, te kon te mì rɛsɛnndo kom buumbuuon? Soon mɛmma ihɛllan ma co fulaa nin-ndo bɛɛ nɔla lɛ mo soli mɛmma kɛndɛan te.

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

Yeremi 17:8

Vana kon co maa yɔm co o tɔalaa o peo kɔngɔ-o, ò puundun ndɔn talataliaa háá o mɛnndan nin di-o. Hangullo va bɛɛ hunɔɔ siòòŋii bii ndu le, Pei ndɔɛi co ikiyɛi lɔ́ɔ́-lɔ̀ɔ́. O va bɛɛ o vɔsi valo bɛndoo nin, o buulan te, o sanga a komɔɔ le.

O Kandɔɔ 2:16

Mí Mɛlɛka Hala hendul ndu tɔŋndo aa: «A nɔla mà de kɔmnde yɔm oo yɔm co o nakɔɔ ho nin,

1Korɛntea 15:38

O kon kɔɔli, Hala yɔngu kulii ken kɔɔlen mɛɛ o hɛnan yɛ. O yɔngu yɛi oo yɛi kɔɔle bɛnda a ndu len-ndo.

O Kandɔɔ 1:12

Mí yondo kiyɛiyo fula o lɛŋnden coo, mí billo vul súúla yɛ́-yɛ́lan a cuulu ndɔɔ, mí yɔmnde bɛɛ vul súúla yɛ́-yɛ́lan a kɔmnde ndalen. Mí ɲɛ-ɲɛ vul a kɔmnde ndɔlen. Mí Hala ca maa o naŋ.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.