O Kandɔɔ 1:1 - BII BILA

¹ O kandɔɔ tasoo, mí Hala cɔaw halataalaa a lɛŋnden.

O Kandɔɔ 1:1 Referans Kwoze

Hebreea 11:3

N laalàn Hala, lelan naa n bii bila ni maa a Sɔɛi Hala cɔw ceendo ni. O kon mí ɲɛm vana ca-on toosian a kpaaya ɲɛm vana ci le-on.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Hebreea 1:10

Mó dimi vɛlɛ aa: «Mɛlɛka, nɔm cɔw sindɛ lɛŋnden ni, nɔm koni toosiaa halataalaa a bala nɔmndan ni.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

SƐBƐ YƆB-O 38:4

«Kuɛɛ nɛ n va yɛ, telen yáà kandu lɛŋnden kilaa-o? Taa kendu pɛ kɔl, mɛɛ dimul-la.

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

2Piɛr 3:5

Má tosa maa lapɔɛɛnɔn, maa o co nin lɔ́ɔ́ levil, mí Hala cɔaw halataalaa a lɛŋnden a sɔɛi ndɔɛi. Mí lɛŋnden le fula o mɛnndan nin, mí le sɛyan a man, mí le tosan o sɔɛi Hala-e ken nin.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Esai 44:24

Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Condii lisai 33:9

Kani o soo pɛ, sɔɛi ken peelun, o dimi dɔ́ɔ́ pɛ ɲɔɔ tosan.

Talelan 3:19

A kɔlkaloo Mɛlɛka kila lɛŋnden ni, mó simi halataalaa yili a dɛnɛ sinaa.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Condii lisai 115:15

Màá la sɔla duaa fulaa Mɛlɛka o ba, Mɛlɛka cɔw halataalaa a lɛŋnden-ndo pɛɛn!

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Condii lisai 136:5

O cɔ́w halataalaa a kɔlkaloo-o, kani kaola ndɔɔ nɔ lamɛɛlu le.

Yeremi 10:12

A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Condii lisai 8:3

A sondola cuaambɔa pɔmbɔa a á sondola cɛlɛkpɛa co vɔɛiyo-a n cɔlɔbà yaamɔaa nɔmnda ni. A sondola lan n kinda yaamɔaa yeema le nɔm màá mingullo-a sondolan ni.

Condii lisai 102:25

O kon, mí yonda aa: «Éé Hala nuu, kialu palɛi nii yoomuɛi tɛɛn te, nɔm Hala fɛɛn-fɛɛndo!»

Hebreea 3:4

Cɛi oo cɛi nɔ vana baŋ ndu-o, nduyɛ, vana cɔw ɲɛ-ɲɛ fee-o co Hala ni.

Condii lisai 124:8

Mɛlɛka pila o ba mala naa co fulaa ni, o cɔw halataalaa a lɛŋnden-ndo.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Condii lisai 121:2

Mɛlɛka o ba mala nuu co fula ni, o cɔw halataalaa a lɛŋnden-ndo.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Esai 40:28

La sina vɔ a ndi o kɔɔ le? La tui-yɔ a ndi o kɔɔ le? Mɛlɛka, Hala fɛɛn a fɛɛn-ndo cɔw mɛɛlula lelɛŋndan ni, o sanga le, o bumbulan te, vana-vana nɔla dɛnɛ ndɔ sinaa yaasiaa le.

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Condii lisai 96:5

Piɔmnda halaa vanaa-mangalaa-isɔɔa kpede co ni, kɛ Mɛlɛka cɔw halataalaa ni.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Rɔmnda 11:36

Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.

Dɛnnda kiilaa 4:24

Ndáà tueyɔɔ sɔɔn mun, mí nda kpow a piɛi Hala o diom pilɔɔ nin aa: «Mɛlɛka, nɔm cɔw halataalaa, lɛŋnden, mɛmma ihɛllan a ɲɛm co lenin-ndon kpow ni.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Esai 51:16

I vow sɔɔn nun nɔm o sondo, mí kuumbuu nɔm a vunduma ba nuu, telen ya va halataalaa tondɔɔ-o, telen ya va lɛŋnden kilaa-o a telen ya va Siɔn dimullo aa: «Vanaa niaa niaa co ni-o.»

Esai 37:16

«Mɛlɛka-Nɔ-Kpaayaa-Kpow-vo, Hala Israɛlla, nɔm co icali o mɛlɛkaa kanda ɲɛm Hala-on-nda coo-o, nɔm pilɛ kpé co Hala le masɛi co o lɛŋnden coo-e kpow ni! Nɔm cɔw halataalaa a lɛŋnden ni.

Condii lisai 146:6

Mɛlɛka cɔw halataalaa ni, lɛŋnden, mɛmma ihɛllan a ɲɛm co lenin-ndon kpow, Mɛlɛka lo o lediom coo lɔ́ɔ́-lɔ́ɔ̀-o o co ni.

Condii lisai 134:3

Màá Mɛlɛka, o cɔw halataalaa a lɛŋnden-ndo dɔw niaa duaa fulaa nɛɛ o co Siɔn-nda!

Dɛnnda cɔɔmuanndan 22:13

Ya co Alfa a Omeka ni, vana tasoo a vana mɛɛlaa, kandɔnndo a mɛɛlulan.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Esai 40:26

La heelu vɔ hɔlla mì la tofa coocoo! Nɛ̀ɛ́-nɛ̀ cɔw yɛ ɲɛm mun? Ndu co tosaa ni mì n va kɔlan o polalen, o co mun veeloo, ɲɛ kɛ́-kɛ̀ a diola ndɔlan. Le kpaaya ndɔ bɛndoo a le yoomuma ndɔan, ɲɛ-ɲɛ co lo kɔɔli le.

Condii lisai 104:30

Taa mingi nda pɛ yoomoo o n'dial, a muungu a kiyɛi, ɲɔɔn kpow muungu n sɛnɛi o lɛŋnden coo.

1Dɛnnda lemasalan 16:26

Nduyɛ halaa vannda nɔ kan-nda co ɲɛ-ɲɛ le. Mɛlɛka cɔw halataalaa ni.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Esai 65:17

Tofa vɔ, i co halataala sɛnɛiyo a lɛŋnde sɛnɛilen cɔvɔɔ, vana loonun ndɛnin a dɛnndan paandu le, yiyan kon del-lɛnin vana o kɔl te.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

SƐBƐ YƆB-O 26:13

Hoeyii fula ndu o milin-nde i simbulu halataalaa, ba ndɔɔ buli N'yalɛ́i co kiltan-ndo.

Vana Kɔlkaloo 12:1

«Tuma n co vɔ felengi-o, loonun a Vana cɔw nɔm-ndo. Loonun a ndu lɔ́ɔ́ pá palɛi vɔɔnde toal nɔm coo, ma dimi aa: ‹Yoomoo fula ya iyeema›,

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.

SƐBƐ YƆB-O 9:8

Ndu pilɛ kpé tondu halataalaa ni, ndu nɛi o tindima mɛmma ihɛllan coo a labɛngu ni.

Esai 40:21

Vɛ̀ɛ̀ la sina a ken o kɔɔ le? La tui-yɔ a ndi o kɔɔ le? Mò va maa a dimul niaa sɔɛi ken kabi o kandɔɔ tasoo le? La sina masinaa a mɛɛ lɛŋnden le kilan tumndo yɛ o kɔɔ le?

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

2Dɛnnda lemasalan 2:11

Mó dimi vɛlɛ aa: «Biiloo co le Mɛlɛka Hala Israɛlla, o soli halataalaa a lɛŋnden-ndo, kani o yɔngu masaa David po kɔlkaloo, ó nɔ taasio a dɛnɛ sinaa-o, ó tangulnin Cɛi-Hala-o le Mɛlɛka a cɛi lemasaa le ndu pila-o.

Condii lisai 8:4

I tofa pɛ halataalaa, vali n tosa a laba-o co kon ni, mì tofa paangei a loeon n toosiaa-on,