Fulaa 8:8 - BII BILA

⁸ Mí Moise nda Aarɔn a fula o Faraɔnnɔɔ lo cɛinin, mí Moise kɔ tɛɛlun Mɛlɛka le ŋɔɔŋɔŋaa o cuiŋi kan ndu Faraɔnnɔɔ coo-a diwvo.

Fulaa 8:8 Referans Kwoze

Fulaa 10:17

Lelan, la mal-la vɛlɛ haki o laan, mì la tɛɛlun Mɛlɛka Hala niaa, mò baŋa ya a kpundɔɔ ho.»

Fulaa 9:28

La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»

1Masaa 13:6

Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

Dɛnnda kiilaa 8:24

O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

1Samiɛl 12:19

Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»

Fulaa 14:5

O kon mí vannda dimul masaa Esipte maa Israɛlla ɲaanun. Mɛɛ Faraɔnnɔɔ nda vanaa ndɔa baalaa a tuei lende, má cua yiyan vɔɔndo a nda, má dimi aa: «Yɛɛ nɛ naa n tosa yɛ hoo? Le yɛɛ naa n mal-lɛ Israɛlla kɔnndan? Vɛ̀ɛ̀ vanaa va naa vallo tosallo-a kɔɛnnun te?»

Fulaa 5:2

Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»

Fulaa 8:9

Mí Mɛlɛka muli piɛile Moise len, mí ŋɔɔŋɔɔnda vu cɛilan nin, o bɛ́ɛ̀lan a o ciɛɔn nin.

Fulaa 8:15

O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.

Fulaa 9:27

Mí Faraɔnnɔɔ viam kilaa le kɔlan Moise nda Aarɔn veeloo, mó dimul nda aa: «O laan ndu, i cua hakio. O sandaa Mɛlɛka ndu co ni, kɛ naa n co vanaa yɔŋ vɔɔnda naa yungu nuu ni.

Fulaa 10:16

Mí Faraɔnnɔɔ viam kiilaa le Moise nda Aarɔn veeloo cɔ́-cɔ́. Mɛɛ nda hin, mó dimul nda aa: «I cua hakio a Mɛlɛka Hala niaa, i cua vɛlɛ hakio a niaa pila.

Fulaa 9:33

Mí Moise fula o Faraɔnnɔɔ lo, mó faŋan o kobio nin, mó heelu balan coo, mó piɛi Mɛlɛka. O kon, mí taŋndan má pɛngi deŋio, mí loeon pɛngi delio, mí piɔɔ viangu.

Fulaa 10:18

Mí Moise fula o Faraɔnnɔɔ lo cɛinin, mó kɔ piɛi Mɛlɛka.

Fulaa 32:11

Kɛ mí Moise ɲɔɔlu Mɛlɛka Hala ndɔɔ, mó dimul ndu aa: «Éé Mɛlɛka! Le yɛɛ ma tuulu kɔl a vanaa nɔmaa n soli haa o lɛŋnde Esipte len nin a kpaaya bɛndoo a ba nɔm mayoomoo-a?