Fulaa 8:6 - BII BILA

⁶ Mí masaa yam lɔ́ɔ́ aa: «Siɔdii.» O kon, mí Moise mulul ndu aa: «I sɔɔ laba. I tosannin siɔdii lende, haliko ma sina pɛngu maa vana-vana sulan a Mɛlɛka le, Hala naa pɛɛn.

Fulaa 8:6 Referans Kwoze

Condii lisai 105:30

Mí ŋɔɔŋɔɔnda pia o lɛŋnde ndalen nin, má luɛi o masaa ndaa lo cɛilan nin.

Condii lisai 78:45

Mó solul nda sunbungaa, mí sunbungaa kan kisikisi nda, mó solul nda vɛlɛ ŋɔɔŋɔɔnda, mí ŋɔɔŋɔŋaa kan tɛɛmbuu ɲɔɔn kpow.

Dɛnnda cɔɔmuanndan 16:13

Mí ca ɲinaa vɔɔnda pum nda yáá fulaa tambálakáà o sondo, visio o sondo a vana-tɛɛngaa-diom hala lacòòvaa o sondo, vanaa ce pɛ ɲinaa vɔɔŋaa kan aa ŋɔɔŋɔɔnda ni.

Tɔŋ lasálàá 11:12

Visia peaa nɔ lakɛkɛw a lapɛɛpɛɛ le-a kpow, la cɔ nda maa visia nɔɔlɛiya nda co le niaa ni.

Fulaa 7:19

Mí Mɛlɛka dimul vɛlɛ Moise aa: «Dimul Aarɔn mò cua tinda ndɔɔ, mò yulu baa nɛɛ-nɛɛ mɛnndan ma co o lɛŋnde Esipte len nin. Kandɔɔ a peela bɛndulan, tɛyun mamɛnndon, dalalan, kɔ bii a peela pɔmbɔlan, haliko mi mɛnndan kpow ma siŋnun koovan o lɛŋnde Esipte len nin kpede. O kon, koovan ma luɛinin o ɲɛm-laandun cɔwnun a yɔmnde-on a o ɲɛm-laandun cɔwnun a powtan-ndon nin.»

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

Fulaa 9:29

Mí Moise mulul ndu aa: «Te i faŋan dɔ́ɔ́ ciee nanu pɛ, i heelu balan o Mɛlɛka lo le ndu tɛɛlɔnndo. O kon, taŋndan ma pɛngi deŋio, loeon bɛɛ n pɛngi delio, haliko ma sina maa Mɛlɛka nɔ lɛŋnden ni.

Fulaa 10:2

O kon kɔɔli, mì nɔm Moise hun dimul fɛɛn cuavaa nɔmnda a cuavaa nɔmaa imamaa mɛɛ ya soli mɔnɛ a Esiptea yɛ, a mɛɛ ya tuisi nda kpundɛlan coo yɛ, haliko mi la sina o kon maa ya co Mɛlɛka ni.»

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Tɔŋ miingua 4:35

Hala cɔm niaa kon kpow haliko mi la sina maa Mɛlɛka ndu pilɛ kpé co Hala ni, Hala celen co o ndu kɔɔli le.

Tɔŋ miingua 32:31

Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.

Tɔŋ miingua 33:26

Mí Moise dimi vɛlɛ aa: «Yesurun sei! Vana-vana siiman a Hala le. Ndu buli halataalaa ni le hunɔɔ niaa malaa. Ndu co o biilu ndɔɔ nin o yumbuyumboo nin ni.

2Samiɛl 7:22

A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

2Dɛnnda lemasalan 6:14

Mó piɛi aa: «Éé Mɛlɛka Hala Israɛlla, hala celen co maa nɔm o halataala a o lɛŋnden coo le. A lo o lediom coo a kpema nɔm n yii-o, a co vanaa baalaa nɔmaa co kelaa nɔm o hɔl o sandei nin a kɔlta ndalan kpow-va mandaa.

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Esai 43:10

Mɛlɛka dimi aa: «Niaa co seyaa niaa ni, niaa a vana ni baala ya hɛli-o haliko mi la sina ya, o kon mì la laalan ya, mì la bii bila maa ya ni. Hala celen toosian ya laci le, o ya kɔɔli Hala celen venin vɛlɛ le.