Fulaa 8:5 - BII BILA

⁵ Mí Moise dimul ndu aa: «Bala tiɔn, fallo. Kɛ mɛɛ n co vana bɛndoo yɛ, nɔm pila yom lɔ́ɔ́ ya bɛnda mì tɛɛlun Mɛlɛka le nɔm pila, le vanaa nɔmaa baalaa a le vanaa tɔ̀a kpow-vo, haliko mi ɲuna Mɛlɛka mò diw ŋɔɔŋɔɔnda, mà faŋan o nɔm ndo a o cɛila nɔmndan nin, mà lo o pee bɛndoo Nil kínɛí.»

Fulaa 8:5 Referans Kwoze

Fulaa 7:19

Mí Mɛlɛka dimul vɛlɛ Moise aa: «Dimul Aarɔn mò cua tinda ndɔɔ, mò yulu baa nɛɛ-nɛɛ mɛnndan ma co o lɛŋnde Esipte len nin. Kandɔɔ a peela bɛndulan, tɛyun mamɛnndon, dalalan, kɔ bii a peela pɔmbɔlan, haliko mi mɛnndan kpow ma siŋnun koovan o lɛŋnde Esipte len nin kpede. O kon, koovan ma luɛinin o ɲɛm-laandun cɔwnun a yɔmnde-on a o ɲɛm-laandun cɔwnun a powtan-ndon nin.»

Fulaa 8:4

Mí Faraɔnnɔɔ veelu Moise nda Aarɔn, mó dimul nda aa: «La tɛɛlun Mɛlɛka haliko mi ŋɔɔŋɔɔnda ha fula naa coo naa vanaa co o lɛŋnde nilen nin-nda. O kon, mì mal vanaa niaa, mà kɔ solul Mɛlɛka sálàá.»

Esai 19:10

Vanaa bɛndua lelɛŋnda a vunin diallon ma yɔkpa, mɔnɛi luɛinin vanaa co baalaa tosaa le salaa sɔlaa-a o lakɔl.