Fulaa 8:4 - BII BILA

⁴ Mí Faraɔnnɔɔ veelu Moise nda Aarɔn, mó dimul nda aa: «La tɛɛlun Mɛlɛka haliko mi ŋɔɔŋɔɔnda ha fula naa coo naa vanaa co o lɛŋnde nilen nin-nda. O kon, mì mal vanaa niaa, mà kɔ solul Mɛlɛka sálàá.»

Fulaa 8:4 Referans Kwoze

Esai 23:9

… Se Mɛlɛka-Nɔ-Kpaayaa-Kpow-vo tuu sanga bɛndoo ho ni. O tuisi ndu nda coo le yonga vanaa nda co bɛɛlen yɔngoo-a tɛɛmbuuo a le vanaa bɛndua co o lɛŋnden coo-a siɛmbulan tuisio.

Esai 19:22

O kon, Mɛlɛka soaŋnin Esiptea, a toɲa, o soaŋnin nda, kɛ o singinin nda, o kon a mangalannin ma muli hɔlla o Mɛlɛka lo. Mɛlɛka mulinin piɛile ndalen mo singi nda.

Esai 19:11

Diɔmaa sondo vesɛiya kposon cuavaa lemasaa Soan co ni. Vanaa kɔlkalua sila masaa Esipte-a kila kunda diɔmnda. Vɛ mi la vesa hɔlla mi la dimul masaa Esipte aa: «Naa naa, poaa vanaa kɔlkalua naa n co ni, poaa masaa paandua naa n co ni»?

Condii lisai 107:40

A co kɔltuw ndaa tuisio masaa coo, ma va kelanndo o lɛŋnde veselɛile nɔ lanɛi le len nin.

Fulaa 8:3

Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.

Fulaa 8:5

Mí Moise dimul ndu aa: «Bala tiɔn, fallo. Kɛ mɛɛ n co vana bɛndoo yɛ, nɔm pila yom lɔ́ɔ́ ya bɛnda mì tɛɛlun Mɛlɛka le nɔm pila, le vanaa nɔmaa baalaa a le vanaa tɔ̀a kpow-vo, haliko mi ɲuna Mɛlɛka mò diw ŋɔɔŋɔɔnda, mà faŋan o nɔm ndo a o cɛila nɔmndan nin, mà lo o pee bɛndoo Nil kínɛí.»

Fulaa 8:24

O kon, mí Faraɔnnɔɔ dimi aa: «Mɛɛ i sɔɔ laba. I co niaa malɔɔ mì la kɔ solul Mɛlɛka sálàá o lɛŋnde veselɛilen nin, Hala niaa pɛɛn. Kɛ la kɔa levil te dɛ! La kɔɛ pɛ, la piɛi Mɛlɛka le ya.»

Fulaa 9:28

La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»

Fulaa 10:17

Lelan, la mal-la vɛlɛ haki o laan, mì la tɛɛlun Mɛlɛka Hala niaa, mò baŋa ya a kpundɔɔ ho.»

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

1Masaa 13:6

Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.