Fulaa 8:3 - BII BILA

³ Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.

Fulaa 8:3 Referans Kwoze

Condii lisai 105:30

Mí ŋɔɔŋɔɔnda pia o lɛŋnde ndalen nin, má luɛi o masaa ndaa lo cɛilan nin.

Fulaa 12:34

Lelan, mí Israɛlla kɔannun a dɛɛ ndáà linda-o, o ndáà dow-vɔ lɛvɛn nin too. Má cua ciliŋun nda linda buloo nin-ndon, má yii mun a domala ndala bɛndulan fiso, má siilun o lacongú.

Fulaa 8:2

Mí Aarɔn yulu baa a kpengii mɛnndan ma co Esipte-e, mí ŋɔɔŋɔɔnda fula, má coŋ o lɛŋnde Esipte len nin vuyɛɛ.

Fulaa 8:4

Mí Faraɔnnɔɔ veelu Moise nda Aarɔn, mó dimul nda aa: «La tɛɛlun Mɛlɛka haliko mi ŋɔɔŋɔɔnda ha fula naa coo naa vanaa co o lɛŋnde nilen nin-nda. O kon, mì mal vanaa niaa, mà kɔ solul Mɛlɛka sálàá.»

Fulaa 10:6

A co piɔ o cɛila nɔmndan nin, o cɛila vanaa nɔmaa baalaa nin a o cɛila Esiptea nin kpow. O vanin bɔɔ kpundɛ bɛndu. Cɔn a fuɲaa nɔmaa mamaa, kɔ bii a fuɲaa nɔmnda, háá a paalen nden hau, vana ci vɔ dɛnɛ vaa lende le.›» O kon, mí Moise fulan o Faraɔnnɔɔ lo, mó kɔannun.

2Dɛnnda lemasalan 22:11

Kɛ telen o va kon nda diwvo-o, mí Yehoseba cua masaa Yoram-ndo ciimbuu Yoas, po Ahasia-o, mó kɔ luei ndu nda vanalanɔ va ndu mandaa-o o cɛi kpelelan la va nin-ndo nin. Nuaa Yehoseba, cua laandu masaa Yoram-ndo, ó va lanɔɔ Yehoyada vana-solia-lasálàá-o, ó va vɛlɛ yemaa Ahasia-o cɛwcɛw Yoas Atali o ba ni. Atali nɔla ndu diyɔɔ le.

Fulaa 7:11

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Fulaa 8:11

Mɛɛ Faraɔnnɔɔ ce maa kpundɛ kon faŋan nda coo, mó kindi vɛlɛ nilan maa mɛɛ Mɛlɛka ndóò dimi yɛ, mó kɛɛ le sɔɛi Moise nda Aarɔn-nde biyɔɔ.