Fulaa 8:21 - BII BILA

²¹ O kon, mí Faraɔnnɔɔ veelu Moise nda Aarɔn, mó dimul nda aa: «La kɔ mì la kɔ solul Hala niaa sálàá. Kɛ la kɔa inɛɛ le, la solul ndu sálà kalaa o lɛŋnde nilen nin nanu.»

Fulaa 8:21 Referans Kwoze

Esai 7:18

O palɛi ken nin, Mɛlɛka hulnin pengia co o peelan Esipte mɛɛlulan-nda a lɛa co o lɛŋnde Asiri len nin-nda,

Condii lisai 105:31

Mí Hala soaa, mí yɔ́lɔa a muiya tiw o lɛŋnde len nin kpow.

Condii lisai 78:45

Mó solul nda sunbungaa, mí sunbungaa kan kisikisi nda, mó solul nda vɛlɛ ŋɔɔŋɔɔnda, mí ŋɔɔŋɔŋaa kan tɛɛmbuu ɲɔɔn kpow.

Fulaa 8:20

Mí Mɛlɛka tosa mɛɛ o dimi yɛ kangalan. Mí sunbungaa luɛi kundala bɛndulan o Faraɔnnɔɔ lo cɛinin, o vanaa ndɔa baalaa lo cɛilan nin a o cɛila Esiptea nin kpow. Mí ɲɛ-ɲɛ hiilun o lɛŋnde Esipte len nin a mɔnɛ sunbungaa kan va solio-o.

Fulaa 8:22

Mí Moise mulul ndu aa: «Ɛ-ɛ, n bɛnda mì n tosa lende le, kani ɲɛ naa n solulnin Mɛlɛka naa sálàá-o vanin bɔɔ ɲɛ nɔɔlɛi bɛndu le Esiptea. Nduyɛ te n soli pɛ sálà súú vaa lende nda o hɔl, vɛ̀ɛ̀ a viinin naa a powtan te?

Fulaa 8:24

O kon, mí Faraɔnnɔɔ dimi aa: «Mɛɛ i sɔɔ laba. I co niaa malɔɔ mì la kɔ solul Mɛlɛka sálàá o lɛŋnde veselɛilen nin, Hala niaa pɛɛn. Kɛ la kɔa levil te dɛ! La kɔɛ pɛ, la piɛi Mɛlɛka le ya.»

Fulaa 10:6

A co piɔ o cɛila nɔmndan nin, o cɛila vanaa nɔmaa baalaa nin a o cɛila Esiptea nin kpow. O vanin bɔɔ kpundɛ bɛndu. Cɔn a fuɲaa nɔmaa mamaa, kɔ bii a fuɲaa nɔmnda, háá a paalen nden hau, vana ci vɔ dɛnɛ vaa lende le.›» O kon, mí Moise fulan o Faraɔnnɔɔ lo, mó kɔannun.