Fulaa 8:16 - BII BILA

¹⁶ Mí Mɛlɛka dimul Moise aa: «Cɔn idiiyo púŋ mà kɔɛ o Faraɔnnɔɔ lo telen o vanin kɔlan o pee bɛndoo Nil-lo, mà dimul ndu aa Mɛlɛka dimul nɔm le cuavaa ndɔa malɔɔ mà kɔ biilu ndu.

Fulaa 8:16 Referans Kwoze

Fulaa 8:5

Mí Moise dimul ndu aa: «Bala tiɔn, fallo. Kɛ mɛɛ n co vana bɛndoo yɛ, nɔm pila yom lɔ́ɔ́ ya bɛnda mì tɛɛlun Mɛlɛka le nɔm pila, le vanaa nɔmaa baalaa a le vanaa tɔ̀a kpow-vo, haliko mi ɲuna Mɛlɛka mò diw ŋɔɔŋɔɔnda, mà faŋan o nɔm ndo a o cɛila nɔmndan nin, mà lo o pee bɛndoo Nil kínɛí.»

Fulaa 8:17

Kɛ taa kɛɛ pɛ le nda malɔɔ, o co niaa sunbungaa tuisi coo niaa vanaa nɔmaa baalaa a vanaa tɔ̀a kpow, mà pɛ o cɛila nɔmndan nin ca. A co piɔ o cɛilan nin mà kumbu lɛŋnden kpow.

Fulaa 8:15

O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.

Fulaa 8:18

Kɛ sunbungaa kalaa tiiyanin o tàndàá Kosɛn nin te, kani lon cuavaa ndɔa co icali ni. Hali sunbungaa ndu pilɛ tiiyanin ndon te, haliko ma sina maa ndu Mɛlɛka co o lɛŋnden nden tɛɛn.

Condii lisai 105:31

Mí Hala soaa, mí yɔ́lɔa a muiya tiw o lɛŋnde len nin kpow.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»