Fulaa 8:10 - BII BILA

¹⁰ Mɛɛ nda vi, má diw nda bémbéla bɛndulan yilin-yilin, mí lɛŋnden le fula cun kuí-kuí.

Fulaa 8:10 Referans Kwoze

Esai 46:9

La loonun-ndɔ a sɔɔn tosan sindɛ pɔ́-pɔ́-on. Kani ya co Hala ni, o celen co le. Ya co Hala ni, vana-vana siiman a ya le.

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

1Dɛnnda lemasalan 17:20

Vana-vana co maa nɔm te Mɛlɛka! Mɛɛ naa n dema tueyɔɔ kabi paandu yɛ, Hala celen co le, fɔ nɔm pilɛ kpé.

2Samiɛl 7:22

A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

Tɔŋ miingua 33:26

Mí Moise dimi vɛlɛ aa: «Yesurun sei! Vana-vana siiman a Hala le. Ndu buli halataalaa ni le hunɔɔ niaa malaa. Ndu co o biilu ndɔɔ nin o yumbuyumboo nin ni.

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

Nsaki 4:14

la sínà bɛɛ mɛɛ ceen niaa vanin siɔdii le. Maa hangulu niaa co ni, o fula pɛ le telen bingi o kon kɔɔli o kiolu.

Esai 40:25

«A Nɛ̀ɛ́-nɛ̀ niaa tuu yɛnin ya mì va velan ndɔɔ kpeekpei?» O-Diandaa ɲuna nuaa ni.

Talelan 27:1

Sangalan le ɲɛ n tosanin siɔdii-o le, kani a sinà bɛɛ ɲɛ yɔŋnunnin hau-vo le.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

Tɔŋ miingua 32:31

Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.

Tɔŋ miingua 4:35

Hala cɔm niaa kon kpow haliko mi la sina maa Mɛlɛka ndu pilɛ kpé co Hala ni, Hala celen co o ndu kɔɔli le.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Fulaa 9:29

Mí Moise mulul ndu aa: «Te i faŋan dɔ́ɔ́ ciee nanu pɛ, i heelu balan o Mɛlɛka lo le ndu tɛɛlɔnndo. O kon, taŋndan ma pɛngi deŋio, loeon bɛɛ n pɛngi delio, haliko ma sina maa Mɛlɛka nɔ lɛŋnden ni.

Fulaa 8:9

Mí Mɛlɛka muli piɛile Moise len, mí ŋɔɔŋɔɔnda vu cɛilan nin, o bɛ́ɛ̀lan a o ciɛɔn nin.

Tɔŋ miingua 3:24

‹Éé Maalii! Nɔm Mɛlɛka, a kandu ya vana baala nɔmndo bɔɔbɔɔyɛi nɔmnde a kpaaya nɔmndo cɔmndo, Hala kuɛɛ co yɛ o halataala, te kon te o lɛŋnden coo mò tiwba le dɛnnda bɛndula vaa nuaa tosaa a kpaayaa maa nɔm?

Tɔŋ miingua 4:39

La sina hau sɔɛi he pɛɛngu mì la mandan ndi o kɔl, maa Mɛlɛka ndu pilɛ kpé co Hala ni. Kandɔɔ o halataala, hunɔɔ tiiyaa o lɛŋnden coo, Hala celen co le.

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?