Fulaa 8:1 - BII BILA

¹ Mí Mɛlɛka dimul vɛlɛ Moise aa: «Dimul Aarɔn mò siɛndi baa o peela bɛndulan, o tɛyun mamɛnndon a o dalalan kpow, haliko mi ŋɔɔŋɔɔnda fula, mà tiw o lɛŋnde Esipte len kpow nin.»

Fulaa 8:1 Referans Kwoze

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»

Fulaa 7:16

O kon, a dimul ndu aa: «Mɛlɛka, Hala Hebreea vem ya o nɔm ndo le nɔm dimullo aa nɔm mal cuavaa ndɔa mà kɔ biilu ndu o lɛŋnde veselɛilen nin. Kɛ háá hau, nɔm, á cɛl te.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 5:3

Má dimul ndu aa: «Hala Hebreea cɔmnun naa ni. Lelan, mal naa mì n kɔɛ kɔla palɛi yaa o lɛŋnde veselɛilen nin, mì n kɔ solul Mɛlɛka naa sálàlan, yɔŋii o cii naa a nàà n'kɔnyaa, te kon te a cɔwvo.»

Fulaa 7:25

Mɛɛ Mɛlɛka tuisi kpundɛ mɛnndan Nil ma mangalan kon koovan-ndo, má lo o sanga kon nin háá palɛi ndii ŋɔmmɛw.

Fulaa 8:2

Mí Aarɔn yulu baa a kpengii mɛnndan ma co Esipte-e, mí ŋɔɔŋɔɔnda fula, má coŋ o lɛŋnde Esipte len nin vuyɛɛ.

Fulaa 8:20

Mí Mɛlɛka tosa mɛɛ o dimi yɛ kangalan. Mí sunbungaa luɛi kundala bɛndulan o Faraɔnnɔɔ lo cɛinin, o vanaa ndɔa baalaa lo cɛilan nin a o cɛila Esiptea nin kpow. Mí ɲɛ-ɲɛ hiilun o lɛŋnde Esipte len nin a mɔnɛ sunbungaa kan va solio-o.

Fulaa 9:1

Mí Mɛlɛka dimul Moise aa: «Kɔ ma kɔ komal Faraɔnnɔɔ, mà dimul ndu aa: ‹Mɛlɛka, Hala Hebreea dimul nɔm aa nɔm mal cuavaa ndɔa mà kɔ biilu ndu.

Yosue 8:18

O kon mí Mɛlɛka dimul Yosue aa: «Siɛndi bál co nɔm o ba-o kpengii Ai-e, kani i cii ndu malɔɔ nɔm o ba.» Mí Yosue siɛndi bál va ndu o ba-o a kpengii kobio.

Condii lisai 105:30

Mí ŋɔɔŋɔɔnda pia o lɛŋnde ndalen nin, má luɛi o masaa ndaa lo cɛilan nin.