Fulaa 7:9 - BII BILA

⁹ «Te Faraɔnnɔɔ ɲuna niaa pɛ le dɛnɛ kɔndɔfillo tosaa, nɔm Moise, a dimul Aarɔn o cua tinda ndɔɔ, o vuu ndu lɛŋ masa kon o hɔl, haliko mo mangalan kɛwvo.»

Fulaa 7:9 Referans Kwoze

Nsaŋ 2:18

O kon mí Yuifia cua sɔɛi, má dimul ndu aa: «Ɔ́ɔ̀ tɔɔmasale cɔm naa maa a nɔ dí le tosaa nuaa-o?»

Esai 7:11

«Ɲuna Mɛlɛka Hala nɔmndo mo cɔm nɔm dɛnɛ tɔɔmaseloo pum le nɔm pila, ɲuna ndu mò cɔm nɔm ndu, o va o lɛŋnden bɛngu di-di ni, o va o halataala coocoo pɔ́-pɔ́ ni.»

Fulaa 4:2

Mí Mɛlɛka ɲuna ndu aa: «Yɛɛ nɛ co yɛ hoo nɔm o ba?» Mí Moise muli aa: «Tindaa.»

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Fulaa 4:17

Bii tinda co hoo nɔm o ba-o. A ndu n vanin dɛnnda kaamaalan tosaa ni.»

Fulaa 10:13

Mí Moise siɛndi tinda ndɔɔ o lɛŋnde Esipte len coo, mí Mɛlɛka cua hoeiye fulaa a ba paalen le can-ndo. Mí hoeyii ken niinu hɔŋndo o lɛŋnde Esipte len coo kpɛŋ, mí i lɔl vɛlɛ hɔŋndo pii. Idiiyo, mí hoeyii ken hun a sóónɔa taw.

Nsaŋ 10:38

Kɛ te i va pɛ dɛnnda lan tosaa, hali mì la laalan ya le, la laalan dɛnnda lan, haliko mi la sina maa Pua co ya nin, mì ya i va Pua nin.»

Matie 12:39

Mó mulul nda aa: «Vanndacieea paale haulen nden a vɔw bɔɔ! A lo o lediom coo a Hala le, a yeema le dɛnɛ kaamaa cɔu, kɛ a cinin o kɛ́-kɛ̀ faŋanndo o dɛnɛ kaama Yonas vana-tɛɛngaa-diom Hala-o kɔɔli le.

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

Fulaa 9:23

Mí Moise heelu tinda ndɔɔ coocoo, mí Mɛlɛka tuisi piɔɔ mataŋndo a loeon. Mɛɛ taŋndan má deli tei, mí Mɛlɛka tuisi loeon delian o lɛŋnde Esipte len kpow coo.

Fulaa 4:20

Mí Moise cua laa ndɔ a poaa ndɔa, mó heelu nda o sofɛlɛ ndɔɔ coo le muungoo Esipte. Mɛɛ o va kɔlan, mó cua tinda Hala-o o ba.

Fulaa 7:8

Mí Mɛlɛka dimul vɛlɛ Moise nda Aarɔn aa:

Fulaa 4:3

Mí Mɛlɛka dimul ndu aa: «Vúú vɔ ndu lɛŋ.» Mó vuu ndu lɛŋ. Mí tinda kon mangalan kɛwvo. Mí Moise ɲaanun ndu.