Fulaa 7:2 - BII BILA

² Sɔɛi-sɔɛi ya dimul nɔm pɛ, nɔm tɛɛnguu ndi o Aarɔn bɛ nɔm ndo. O kon, ndu kɔ soo niko o Faraɔnnɔɔ lo haliko mo mal Israɛlla faŋanndo o lɛŋnde ndɔlen nin.

Fulaa 7:2 Referans Kwoze

Fulaa 4:15

O kon, a soo o ndu lo, a cɔm ndu sɔɛi-sɔɛi o bɛnda le dimio. Telen niaa vanin kon sɔɛi-yo, ya pila vanin niaa ikɛi, mì cɔm niaa ɲɛ niaa bɛnda le tosaa-o.

Fulaa 6:29

mó dimul ndu aa: «Ya co Mɛlɛka ni. Kɔ dimul Faraɔnnɔɔ, masaa Esipte pɛɛn, ɲɛ-ɲɛ ya soo.»

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Esekiɛl 3:17

«Po vanacieo sei, i siinguu nɔm kpalilnɔɔ cuavaa Israɛlla coo. Nɔm, a yaŋ pɛ nilan o sɔɔn vanin fulaa ya o sondo-on, a kɔ hiw mun nda o lani o vomɔɔ nuu bɛngu.

Esekiɛl 3:10

Mó dimul-la vɛlɛ aa: «Po vanacieo sei, yaŋ nilan ɲɛkɛndɛi o sɔɔn ya dimulnin nɔm-ndon kpow, mà mandan mun o kɔl kpáŋ!

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

1Masaa 22:14

Kɛ mí Misee muli aa: «Te Mɛlɛka co yoomu, i tɛɛngulnin ndu ɲɛ Mɛlɛka dimulnin ya-o!»

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

Fulaa 4:16

Ndu Aarɔn cuanin fonda nɔmndo le sɔɛi o Israɛlla lo ni. Ndu vanin sondo nɔmndo ni, mì nɔm va maa Hala le ndu sɔɔn o bɛnda le vannda tɛɛngullo-on dimullo.

Fulaa 7:6

Mí Moise nda Aarɔn a tosa mɛɛ Mɛlɛka dimul nda yɛ.

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»