Fulaa 7:16 - BII BILA

¹⁶ O kon, a dimul ndu aa: «Mɛlɛka, Hala Hebreea vem ya o nɔm ndo le nɔm dimullo aa nɔm mal cuavaa ndɔa mà kɔ biilu ndu o lɛŋnde veselɛilen nin. Kɛ háá hau, nɔm, á cɛl te.

Fulaa 7:16 Referans Kwoze

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Fulaa 9:1

Mí Mɛlɛka dimul Moise aa: «Kɔ ma kɔ komal Faraɔnnɔɔ, mà dimul ndu aa: ‹Mɛlɛka, Hala Hebreea dimul nɔm aa nɔm mal cuavaa ndɔa mà kɔ biilu ndu.

Fulaa 9:13

Mí Mɛlɛka dimul Moise aa: «Pena fula púŋ ma kɔɛ o Faraɔnnɔɔ lo, ma dimul ndu aa: ‹Mɛlɛka, o co Hala Hebreea-o dimul nɔm aa nɔm mel ndu vanaa ndɔa mà kɔ biilu ndu.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Yeremi 50:33

Sɔɛi fula Mɛlɛka-Nɔ-Kpaayaa-Kpow-vo, Hala Israɛlla o sondo-e co hee ni aa: Vannda Israɛl a co o sanga bɛndu nin, lende koni haa Yuda co bɛpɛlaa ni, vanaa kɔɛ a nda-a kafalan nda kpáŋ, a kɛɛ le nda malɔɔ.

Esai 45:13

Ya pila cua Siris o sandii nii nin ni. I peelunin nɛila ndɔlan kpede. O minginin kobi nuu tangul, mò ke vanaa niaa co o cɛlen nin-nda hɔ́ɔ́yɛi. O venin a bɔnɔ le, o venin vɛlɛ a ɲɛ-sɔlaa le.» Mɛlɛka-Nɔ-Kpaayaa-Kpow-vo soo lende ni.

Fulaa 14:5

O kon mí vannda dimul masaa Esipte maa Israɛlla ɲaanun. Mɛɛ Faraɔnnɔɔ nda vanaa ndɔa baalaa a tuei lende, má cua yiyan vɔɔndo a nda, má dimi aa: «Yɛɛ nɛ naa n tosa yɛ hoo? Le yɛɛ naa n mal-lɛ Israɛlla kɔnndan? Vɛ̀ɛ̀ vanaa va naa vallo tosallo-a kɔɛnnun te?»

Fulaa 13:15

Kani mɛɛ Faraɔnnɔɔ va baŋnɔnndo kɛɔ le naa malɔɔ kɔlan, mí Mɛlɛka diw poaa tasea a cɔlua piaandua tasea o lɛŋnde Esipte len nin kpow. Lelan naa n sòli cɔlua piaandua tasea sálàá le Mɛlɛka ni, mì n baŋa poaa naa tasea.

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Fulaa 8:20

Mí Mɛlɛka tosa mɛɛ o dimi yɛ kangalan. Mí sunbungaa luɛi kundala bɛndulan o Faraɔnnɔɔ lo cɛinin, o vanaa ndɔa baalaa lo cɛilan nin a o cɛila Esiptea nin kpow. Mí ɲɛ-ɲɛ hiilun o lɛŋnde Esipte len nin a mɔnɛ sunbungaa kan va solio-o.

Fulaa 8:1

Mí Mɛlɛka dimul vɛlɛ Moise aa: «Dimul Aarɔn mò siɛndi baa o peela bɛndulan, o tɛyun mamɛnndon a o dalalan kpow, haliko mi ŋɔɔŋɔɔnda fula, mà tiw o lɛŋnde Esipte len kpow nin.»

Fulaa 3:13

Mí Moise dimul vɛlɛ Hala aa: «I kɛɛ lɛ le kɔlan te, kɛ te i tiiya pɛ o Israɛlla lo, mì dimul nda aa: ‹Hala fuɲaa niaa mamaa vem ya o niaa lo ni›, a co ya ɲuna aa: ‹Vɛɛ o nɔ yɛ diolan?› Vɛ̀ɛ̀ ya mulul-lɛnin nda?»

Fulaa 4:22

O kon, a dimul ndu aa: ‹Mɛlɛka dimi aa: po ni tasoo, ndu co Israɛl ni.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.