Fulaa 7:11 - BII BILA

¹¹ Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Fulaa 7:11 Referans Kwoze

Fulaa 7:22

Mí vanaa mangalaa Esipte bɛɛ tosa dɛnɛ kɔndɔfili pilɛ kon a kpaaya nda mangalaa. Mí Faraɔnnɔɔ cɔɔlu vɛlɛ nilan kindi, mó kɛɛ le sɔɛi Moise nda Aarɔn-nde biyɔɔ maa mɛɛ Mɛlɛka ndóò dimi yɛ.

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

Fulaa 8:18

Kɛ sunbungaa kalaa tiiyanin o tàndàá Kosɛn nin te, kani lon cuavaa ndɔa co icali ni. Hali sunbungaa ndu pilɛ tiiyanin ndon te, haliko ma sina maa ndu Mɛlɛka co o lɛŋnden nden tɛɛn.

Fulaa 8:7

Ŋɔɔŋɔɔnda co nɔm faŋan coo o cɛila nɔmndan nin, o cɛila vanaa nɔmaa baalaa nin a o cɛila vanaa tɔ̀a kpede nin, mà lo o pee bɛndoo Nil kɔllo kínɛí.»

2Tesalonikea 2:9

Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

Daniɛl 2:2

Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Daniɛl 2:27

Mí Daniɛl muli aa: «Masaa, dɛnɛ n yeema le sinaa-o, vanaa kɔlkalua, vanaa soaa a loeon o kɔɔ-a, mandea a vanaa mangalaa súúlan kpow a nɔla nɔm ndu tɛɛsial te.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

2Timote 3:9

Kɛ a hiwnin laci le, kani diɔmii ndɛi fulanin ceen mì i cɔmnun vannda kpow o hɔl mɛɛ o tosalan poaa ŋiɔnda haa yɛ.

Fulaa 7:12

Mí vana-vana vuu tinda ndɔɔ lɛŋ, mí tindala lan bɛɛ la mangalan kɛwva. Kɛ mí tinda Aarɔn-ndo misi tindala ndalan.

1Samiɛl 6:2

O mɛɛlulan, mí Filistia ɲuna vanaa-solia-lasálàá a vanaa viamaa yavaa aa: «Vɛ̀ɛ̀ naa n tosa yɛ kpeekpei le kesu kpema Mɛlɛka-o ho? La cɔm naa mɛɛ naa n bɛnda le ndu mingio o fonda ndɔɔ yɛ.»

Daniɛl 4:6

Mí dimul ndu aa: ‹Bɛlsasar, bolle vanaa mangalaa, i sina maa a nɔ kɔlkalu halaa diandaa nin, nduyɛ dɛnɛ viannan súú-súù kindu a nɔm te. Tofa vɔ lɔma ya sɔl-lan, cɔm ya kɔlɔ ndɔɔ.

Fulaa 8:3

Mí vanaa mangalaa Esipte bɛɛ a tosa dɛnɛ kɔndɔfili kon a kpaaya nda mangalaa. Má soli ŋɔɔŋɔɔnda, mí ŋɔɔŋɔŋaa kan hel o kɔngɔ o lɛŋnde Esipte len coo.