Fulaa 7:1 - BII BILA

¹ Mí Mɛlɛka dimul Moise aa: «Tofa vɔ, i siinguu nɔm maa hala Faraɔnnɔɔ o hɔl, mí siinguu Aarɔn bɛ nɔm vana-tɛɛngaa-diom Hala-o le nɔm.

Fulaa 7:1 Referans Kwoze

Condii lisai 82:6

Le hee ya dimi ni aa halaa niaa co ni, niaa kpede. Niaa poaa Ó-Hiow-Ɲɔɔn-Kpow-vo-a pɛɛn.

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

1Masaa 17:23

Mí Elii cua niko poombɔɔ, mó toal a ndu, mó kɔ mingul kala ndɔ ndu. Mí Elii dimul ndu aa: «Má cè po nɔmndo! O muungu yoomu.»

2Masaa 6:32

Nduyɛ Elise va icali o ndu lo cɛinin, nda kaasoŋaa kɔlkalua kobia latulu. Mí masaa viam vanndo o ndu lo. Kɛ lɔ́ɔ́ pá kiila kon hun tiiya, mí Elise dimul kaasoŋaa kɔlkalua kan aa: «La ce! Po vana diyaa n'vanndo ho vem vanndo le hunɔɔ ya bollen kiolɔɔ. Lelan la caa dɛ! Te langbanɔ kalaa hin pɛ, la kinda dioo, la ɲindu ndu a koŋndo latulu. Vɛ̀ɛ̀ o co pelun vana ndɔ bɛndoo le ya co tueyɔɔ hunɔɔ ndu kɔɔli nuaa le?»

Fulaa 16:29

La sina maa ya Mɛlɛka, i yɔngu niaa paalen le pɛngio, lelan ya yɔngu niaa ɲɛdiaa le palɛi ndii ŋiin o paale ŋɔmpumndɔlen coo ni. Le hee, o paale ŋɔmmɛwndɔlen coo, vana-vana bɛnda mò lo o cɛi-kola-toandaa ndɔɔ nin, vana-vana bɛnda mò fula o ndu lo le.»

O Kandɔɔ 19:21

Mí mɛlɛkanɔɔ dimul ndu aa: «Bala tiɔn. I cɛl vɛlɛ sɔɛi n dimi ken-nde. I tuisinin dɛnɛ palaa o kobi pɔmbɔ kon coo le.

Vana Kɔlkaloo 1:10

Te ɲɛ pum va pɛ, mì vannda dimi aa: ‹La tofa vɔ ɲɛ sɛnɛiyo›, mɛɛ o va nin paandu pá-pá, tuma náà n vilun-ndɔ loo.

Condii lisai 78:12

Hala tosa dɛnnda kɔndɔfiltan fuɲa ndaa mamaa o hɔl, o lɛŋnde Esipte len nin, o tàndàá Soan nin.

Dɛnnda kiilaa 7:7

Kɛ i kialunin vanaa-mangalaa-isɔɔa nda vanin o ba o cɛlen nin-nda iyama. O kon kɔɔli, a fulanin o lɛŋnde len nin, mà hun biilu ya o fondaa ho.›