Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.
Lɔ́ɔ́ ya minginin niaa o lɛŋnde Israɛl-ten nin-ndo, lɛŋnde ya heelu baa coocoo mí mɛnan le fuɲaa niaa mamaa yɔngoo len, la sinanin maa ya co Mɛlɛka ni.
La bɛnda mì la loo len, mì le va kɛ́ niaa, mì la piɔw len, mì vana-vana sɔla kpen-kpen vellaa-velle, maa mɛɛ ya heelu baa mì mɛnan le fuɲaa niaa mamaa lɛŋnde kalalen yɔngoo yɛ. A toɲa la loonin lɛŋnden nden mì le siŋnun kɛ́ niaa.
Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»
Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.
Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.
O lɛŋnde veselɛilen nin bɛɛ, yáà heelu baa ni, mí mɛnalan nda maa i lueinin nda o lɛŋnde yáà ke nda len nin ten, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpede naŋɔɔ len.
Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.
Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.
mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,
Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.
Mí yɔngu niaa lɛŋnden, le niaa sanga le len te len, a kobilan la niaa tengul te lan, nduyɛ la co icali lenin. Mí yɔngu niaa nakɔla n'rɛsɛnndan a nakɔla olivieelan, la niaa tol te lan, nduyɛ la co ɲɛm mun dioo.›»
Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.
Mí Moise dimul Hobab, po Reuɛl lefu ndɔ Madiannɔ-o aa: «O lɛŋnde Mɛlɛka yiilu naa kpemaa le naa yɔngoo len nin naa n co kɔlan ni. Lelan, hun n kɔnnun naa niaa, a co lakɔ dɛnɛ kɛndɔɔ sɔla lon, kani Mɛlɛka dimi le Israɛl dɛnɛ kɛndɔɔ tosallo.»
Mò va maa ya solin vannda ha o ipulu ni? Ya velu nda ni? Le yɛɛ nɛ n dimul-lɛ ya aa: ‹Bii nda o ibuŋ mɛɛ komsaa bii cɛlɛkpɛ o co vɔɛsio-o o ibuŋ yɛ háá mì la tiiya o lɛŋnde ya yiilu fuɲaa ndaa mamaa kpemaa le nda len yɔngoo len nin?›
Kani Mɛlɛka Hala niaa, Hala nɔ ɲííye-o o co ni, o melnin niaa le, o tɛɛmbuunin niaa le. O pɔɛɛnunnin kpema o yiilu fuɲaa niaa mamaa mó mɛnalan nda le ndu peeloo-o le.»