Fulaa 6:4 - BII BILA

⁴ O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

Fulaa 6:4 Referans Kwoze

O Kandɔɔ 28:4

Màá o tuisi nɔm duaa o dɔw Pua Abraham-ndo coo niaa cuavaa nɔmaa imamaa, haliko mi lɛŋnde n co len icali nin o sumialle len le siŋnun lɛŋnde nɔm! Kani Abraham fuɲa nɔm mama Hala yɔngu len ni.»

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Dɛnnda kiilaa 7:5

Hala ke ndu lɛŋnde len mì le va ɲɛ ndɔ le, hali nɛɛ kɛsiaa ipelu bɛɛ o ke ndu le. Kɛ mó dimul ndu maa o hun kenin ndu lɛŋnde len kɛ́ɔ, ndu a cuavaa ndɔa imamaa. Nduyɛ o telen kon, Abraham ndóò nɔ vɔ hɔ́ɔ́ le.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Condii lisai 105:12

Nduyɛ, kunda pɔmbɔɔ daama nda va ni, a ve sɛ́lɛ́ le, mialla nda yɔŋnun o lɛŋnde len nin ni.

2Samiɛl 23:5

Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 23:4

«I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

O Kandɔɔ 17:13

Vanpiaandua kpow a bɛnda mà dii toomaa, o va poaa vialunnin o polale nɔmnden coo-a, o va vɛlɛ cɛa niaa piandunin a volion-nda, a bɛnda mà sɔla tuisio. Tɔɔmasele kpema ni vanin o dialii niɛi coo-o co kon ni. La bɛnda mì la va tosaa lende le fɛɛn a fɛɛn.

O Kandɔɔ 17:4

«Kpema ya co nɔm yiilu-o co hoo ni: a siŋnunnin fuɲa-mamaa le vanaa-mangalaa-isɔɔa súúlan taw.

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

O Kandɔɔ 6:18

Kɛ i yii kpemaa le nɔm ciindiaa. A co hunɔɔ luɛyɔɔ o dɛ̀ndɔ̀ɔ́ nin niaa laa nɔm, poaa nɔmnda a laandaa poaa nɔmnda.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

Kundalan 10:29

Mí Moise dimul Hobab, po Reuɛl lefu ndɔ Madiannɔ-o aa: «O lɛŋnde Mɛlɛka yiilu naa kpemaa le naa yɔngoo len nin naa n co kɔlan ni. Lelan, hun n kɔnnun naa niaa, a co lakɔ dɛnɛ kɛndɔɔ sɔla lon, kani Mɛlɛka dimi le Israɛl dɛnɛ kɛndɔɔ tosallo.»

Fulaa 6:8

I co niaa yɔɔ o lɛŋnde ya mɛnalan Abraham, Isaak a Yakɔb le nda len yɔngoo len nin. I co niaa len yɔngu ɲɛ niaa pɛ́-pɛ́. Ya Mɛlɛka soo nuaa ni.›»

Fulaa 13:4

Hau niaa co fula o lɛŋnde Esipte len nin ni, o paangii Abib-e he nin.

Fulaa 13:5

Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

Condii lisai 105:11

Mó dimi aa: «I yɔngu nɔm lɛŋnde Kanaan-nden, kɛ́ nɔmndo vanin kon ni, nɔm a polale nɔmnden.»