Fulaa 6:3 - BII BILA

³ I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

Fulaa 6:3 Referans Kwoze

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Condii lisai 68:4

Kɛ vanaa sandaa co ɲaaloo dɔwnɔnndo, a co kponyoo viovɔɔ Hala o hɔl. A co huuluo a kɔlkɛndɔɔ.

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

O Kandɔɔ 48:3

Mó dimul Yosɛf aa: «Paale pilɛ, mí Hala Vana-Kpaayaa-Kpow cɔmnun ya nɛɛ ya va Lus o lɛŋnde Kanaan-nden nin-nda, mó dɔaw ya duaa.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Esai 42:8

«Ya co Mɛlɛka ni, diola nila kpeekpeilan la co lan ni, nduyɛ, i bɛnda mì sɔla biiloo. I yɔngunin piɔmnda bɛɛle co le ya len te.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Fulaa 23:21

La caa kelaa a ndu mì la bii ndu diom. La simul ndu le, kani te la tɛɛndan ndu pɛ, o melnin niaa haki le. Bau diola nilan la co ndu coo.

Ruti 1:20

Mí ndu Noemi pila dimul nda aa: «La veelu lɛ ya Noemi-lan te, la va ya nin veeloo aa Mara (kon co dimio ni aa ‹Ɲɛ lòloo›), kani Vana-Kpaayaa-Kpow tuisi ya dɛnɛ palaa bɛndoo coo.

Yeremi 16:21

Lelan mí Mɛlɛka dimi aa: «O laan i co nda kpaaya nuu a yoomuma nian cɔm, o kon a sinanin maa diola nilan la co Mɛlɛka ni.»

Yeremi 33:2

«Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Esekiɛl 20:5

Dimul nda aa nuaa Maalii, o co Mɛlɛka-o soo ni aa: Paale ya hɛli Israɛl-ten, mí heelu baa coocoo, mí mɛnalan polale Yakɔb len, mí cɔmnun vɛlɛ nda o lɛŋnde Esipte len nin, mí heelu baa coocoo, mí mɛnalan nda, mí dimul nda aa: Ya co Mɛlɛka ni, Hala niaa pɛɛn.

Esekiɛl 37:6

I minginin ɲɛsuan niaa coo, mì tosa mì vision vil niaa coo, mì kumbu niaa a yáw n'visio, mì mingi niaa yoomoo nin, mì la muungu a kiyɛi. La sinanin o kon maa ya co Mɛlɛka ni.»

Esekiɛl 37:13

Tuma ya kumbinin sɛila niaalan, mì soli niaa o sɛila lan nin, mì heelu niaa o kɔngɔ-o, la sinanin maa ya co Mɛlɛka ni.