Fulaa 6:1 - BII BILA

¹ Mí Mɛlɛka dimul Moise aa: «A canin mɔnɛ ya co soli a Faraɔnnɔɔ-o sisa. I co ndu kindila a kpaaya nuu háá mò mal Israɛlla kɔlan. I co ndu tolɔɔ kɔɔli háá mò tow nda le nda solio few-few o lɛŋnde ndɔlen nin.»

Fulaa 6:1 Referans Kwoze

Fulaa 12:33

Mí Esiptea tisa Israɛlla kɔɔli le faŋanndo o lɛŋnde ndalen nin, kani nuaa nda va dimio ni aa: «Naa kpow cuuo naa n co nuaa ni.»

Condii lisai 136:12

A kpaayaa ndɔɔ a á yoomuma ndɔan o soli nda ni, kani kaola ndɔɔ nɔ lamɛɛlu le.

Fulaa 12:39

Má loam bulu toosian a lɛvɛn too a dɛɛ lindaa nda cɛn Esipte-o, kani telen nda tow nda le faŋanndo o lɛŋnde Esipte len nin-ndo, ndáà vow vɔ lɛvɛnndo o dɛɛ kon nin te. Lelan, a tamala lɛ le faŋanndo lon te, hali ɲɛm dian a nɔla lɛ mun toosiaa le keiyo dioo nɛi-tɛɛn te.

Fulaa 12:31

Le hee, mí Faraɔnnɔɔ veelu Moise nda Aarɔn o ɲumma man nin, mó dimul nda aa: «La cɔn mì la kɔɛ. La faŋan o lɛŋnde nilen nin few. La kɔndu Israɛlla mì la kɔɛ a nda. La kɔ biilu Mɛlɛka mɛɛ niaa dimi yɛ.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Fulaa 11:1

Mí Mɛlɛka dimul Moise aa: «I co vɛlɛ kpundɛ mɛɛlaa tuisi Faraɔnnɔɔ nda Esiptea coo. Te n malan pɛ naa ndu o laan vaŋ, o co niaa malɔɔ mì la kɔɛ. O co niaa bɛɛ tovɔɔ mì la faŋan o ndu lo le fɛɛn a fɛɛn.

Esai 63:12

Ndu hiilu ba ndɔ ivanabɛnduyaa Moise o o ba kɛndɔɔ coo ni, mó tɛnda mɛmma ihɛllan nda o hɔl, le tɔ́ɔ́ bɛndu fɛɛn a fɛɛndo sɔlaa.

Condii lisai 89:13

Nɔ̀m cɔw maluaŋ a too ni, pembon Tabɔr a mun Hɛrmɔn co ɲaaloo dɔwnɔnndo le diola nɔmndan.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

2Dɛnnda lemasalan 20:17

O co niaa le cɔlɔbanin ndon te. Niaa niaa fula daama mì la kɔ sim, o kon la canin mɛɛ ya Mɛlɛka baŋanin niaa yɛ. Siòòŋii bii niaa le, la vu n'dial te.› Lelan, siɔdii la fula, la kɔ bɔŋa nda, Mɛlɛka vanin niaa ikɛi.»

2Masaa 7:19

Mí simlacinɔ cɔwvo pilɛ o simlacia masaa Israɛl tɛɛn, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosan?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

2Masaa 7:2

Mí simlacinɔ vanaa cɔwva, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosanndo?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Kundalan 23:23

Dɛnɛ viamaa yava co o polale Yakɔb len coo le. Dɛnɛ lemande co Israɛlla tɛɛn te. O telen kelun-ndo nda dimulnin pulun Yakɔb-on ɲɛ Hala co tosa-o ni, Israɛlla-la pɛɛn.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Dɛnnda kiilaa 13:17

Hala Israɛlla hɛli fuɲaa naa mamaa. Mó tosa má kui telen nda va Esipte-o. O kon kɔɔli, mó soli nda o lɛŋnde len nin a kpaaya ndɔɔ.

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Fulaa 7:5

Kon tosan pɛ, Esiptea sina dɔ́ɔ́ maa ya co Mɛlɛka ni. Kani i tuisinin nda sangaa coo, mì soli Israɛlla nda tɛɛn.»

Fulaa 15:6

Mɛlɛka, ba nɔm kɛndɔɔ cɔm kpaaya nɔmndo. Mɛlɛka, ba nɔm kɛndɔɔ kposoŋa yaamɔaa nɔmnda.

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Fulaa 13:16

Maa mɛɛ ɲɛla co niaa o laba a o n'tendu lan la co tɔɔmasele loonanndo le Mɛlɛka yɛ, lende sálàlan ndan la co ɲɛ loonanndo le niaa le loonɔnndo a ba kpaaya Mɛlɛka soli niaa Esipte-o o kɔɔ ni.›»

Kundalan 11:23

Mí Mɛlɛka ɲuna ndu aa: «Mò va maa hiwvo ba Mɛlɛka-o hiw bingilen ni? Nɔm pila co cɔ sisa te sɔɛi nii co peelɔn, te i co peelɔn te.»

Condii lisai 12:6

Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»