Fulaa 5:4 - BII BILA

⁴ Mí masaa Esipte ɲuna nda aa: «Moise niaa Aarɔn, le yɛɛ niaa co yɛ vannda faŋaa o valta ndalan nin? La kɔ o kpekula niaalan nin.

Fulaa 5:4 Referans Kwoze

Fulaa 1:11

O kon mí Esiptea handu Israɛlla mɛlɛsoŋnda coo le nda tundɔɔ o baala lepɔtɔllo nin. O baala kon tosaa, má tangul kobilan tan tiɔn: Pitɔm a Ramsɛs, leFaraɔnnɔɔ vaa baloo mandaa lenin.

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Amɔs 7:10

O kon mí Amasia, ó va vana-solia-lasálàá Betɛl-lo yaa congɔnndo o Yeroboam va masa Israɛlla-o lo, le ndu dimullo aa: «Amɔs yii nɔm dúmbú cuavaa Israɛlla tɛɛn. Lɛŋnden le cɛl lɛnin le nilan yaŋɔɔ o sɔɔn o co dimio-on te.

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

Fulaa 2:11

Mɛɛ Moise sul kaasonɔɔ, mó kɔa paale pum o puapilɛa ndɔa lo, mó ca baala lepɔtɔl nda va tosaa-o. Mó ca langbanɔ Esiptenɔɔ pum Hebreenɔɔ pum lɔɔ.

Fulaa 6:5

I co cuavaa Israɛlla tueyɔɔ koŋullo a saangiaa bɛndu Esiptea co nda-o, mí loonun a kpema ni ya yii-o.