Fulaa 5:2 - BII BILA

² Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»

Fulaa 5:2 Referans Kwoze

Fulaa 3:19

I sina maa masaa Esipte cɛlnin le niaa malɔɔ le. Le niaa malɔɔ, fɔ mì sɔɛi kalɛi hiow ndu mayoomu.

SƐBƐ YƆB-O 21:15

Yɛɛ Ó-Hiow-Kpaayaa-Kpow-vo co yɛ mì n siŋnun cɛa ndɔa? Yɛɛ naa n sɔ̀là yɛnin o ndu piɛiyo nin?›

2Masaa 18:35

O halaa lɛŋii ken kpow tɛɛn, ɔ́ɔ̀ a tiwba má baŋa lɛŋii ndɛi ya o ba-a? Vɛ̀ɛ̀ kpeekpei Mɛlɛka ndu baŋa yɛnin Yerusalɛm ya o ba?›»

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Nsaŋ 16:3

A tosanin ken le tùú nda kɛɛ ya a Pua sinaa-o.

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Condii lisai 12:4

Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!

Condii lisai 10:4

Vana kɔlvesɛiyo co sɔɛi a Mɛlɛka, o co dimio aa: «Hala yɔŋ vana ɲɛ le tɛɛmbuu le. Hala co le!» Yiyannda ndɔlan kpow la co lan ni.

2Dɛnnda lemasalan 32:19

Má dimi sɔɔn a Hala Yerusalɛmnda o kɔɔ mɛɛ ndáà dema mun dimi a halaa vanaa-mangalaa-isɔaa tɔ̀a yɛ, halaa kan yɛ nda, vanndacieea cɔw nda ni.

2Dɛnnda lemasalan 32:15

Lelan, la cɛl mì Esekia fɛɛla niaa mò luei niaa o pɔwlan nin te! La láálan ndu le! Kani hala vanaa-mangalaa-isɔɔa súú-súù, te kon te, hala masɛi kɛ́-kɛ̀ tiwba vanaa ndɔa baŋa ya o ba, te kon te fuɲaa niaa mamaa o ba le. Halaa niaa bɛɛ nɔlanin niaa baŋa ya o ba le.›»

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Fulaa 7:17

Lelan, Mɛlɛka dimi maa o laan ndu, a co sina válán maa ndu co Mɛlɛka ni. I co mɛmma co o pee bɛndoo Nil-lan lɔɔ a tinda co hoo ya o ba-o mì ma mangalan koovan.

Masaa kialaa n'yamaa 2:10

Mí vanaa nda va lambi pilɔɔ-a kpow diam fuɲaa ndaa ciee-piɔ́m, mí lambi celen koma can nda kɔɔli, ndáà sina Mɛlɛka le, ndáà sina vɛlɛ ɲɛ Mɛlɛka tosal Israɛlla-o le.

2Dɛnnda lemasalan 32:14

O vanaa-mangalaa-isɔɔa fuɲaa nia mamaa tɛɛmbuu kan-nda tɛɛn kpow, ɔ́ɔ̀ a halaa ndaa baŋa nda ya o ba-a? Vɛ̀ɛ̀ Hala niaa ndu nɔla yɛnin niko niaa soli ya o ba?

Nehemi 9:10

Má tosa dɛnnda kɔndɔfilta bɛndulan le Faraɔnnɔɔ cɔlɔbaa, le langbaa ndɔa kɛsun kálàá a vanaa va o lɛŋnde ndɔlen nin-nda kpow cɔlɔbaa, kani nɔm sina mɛɛ nda bii fuɲaa naa imamaa a yongaa yɛ. Mí diola nɔmndan la sɔla tɔ́ɔ́ bɛndoo, tɔ́ɔ́ kon co vɔ háá hau.

Yeremi 42:13

Kɛ te la dimi pɛ aa la celnin o lɛŋnden nden nin te, mì la kɛɛ diom Mɛlɛka Hala niaa,

Yeremi 48:26

Moabua cennun maa nda hiow Mɛlɛka ni, lelan la pimi nda mɔiyan mì ma bii nda, maa kuusuu, mà yɔliyɔlin o kuusuu ndaa nin, mì vannda mam nda!

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

1Samiɛl 25:10

Kɛ mí Nabal mulul nda aa: «Nɛ̀ɛ̀ David co yɛ? Yɛɛ po Yisai-yo co yɛ kpeekpei? Paalen nden hau, cɛa bɔɔ-bɔɔ co vanaa ndaa bɛndua cimbɔɔ o ba mà kɔannun.

SƐBƐ YƆB-O 15:25

Kani o heelu baa mó ciŋilan Hala, o tiŋ Vana-Kpaayaa-Kpow.

SƐBƐ YƆB-O 15:26

Mó va Hala kuello a lebol kpɛ́ɛ́nɛ̀nɛ̀, kani o va kɔ̀ɔ̀ cɔw ndɔ celulaa tiindanndo

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.