Fulaa 5:10 - BII BILA

¹⁰ Mɛɛ mɛlɛsoŋnda a Israɛlaa va kundala vanaa baalaa bollen-nda fula o Faraɔnnɔɔ lo, má kɔ dimul Israɛlla aa: «Masaa handu tɔŋndo maa vana kɔa lɛ mò kɔ kondul niaa foeende le kpilikion lɔu le.

Fulaa 5:10 Referans Kwoze

Fulaa 1:11

O kon mí Esiptea handu Israɛlla mɛlɛsoŋnda coo le nda tundɔɔ o baala lepɔtɔllo nin. O baala kon tosaa, má tangul kobilan tan tiɔn: Pitɔm a Ramsɛs, leFaraɔnnɔɔ vaa baloo mandaa lenin.

Talelan 29:12

Simlacinɔɔ yaŋ pɛ nilan o sɔɔn lacòòvan, vanaa bɛndua co ndu o ba bɛngu-a kpow a siŋnun vanaa tosaa dɛnnda vɔɔnda.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Fulaa 5:6

Paale len, mí Faraɔnnɔɔ dimul mɛlɛsoŋnda a Israɛlaa va kundala vanaa baalaa bollen-nda aa:

Fulaa 5:9

La cɔɔlu nda baalaa kuilul, mì la kindila nda le ndu tosaa. Te vallo kui pɛ nda o ba taw, a co pɔɛɛnɔn a sɔɔn lacòòvan nda co nda dimullo-on.»

Fulaa 5:11

Niaa pila va nin kɔlan ndi nuwviaa, nɛɛ-nɛɛ niaa salun pɛ ndi, la kɔndu. O kon kɔɔli, mɛɛ mì la suili kpilikion lɔu mɛɛ niaa va mun paandu suilio lɔu yɛ, ɲɛ-ɲɛ faŋan lecoo le.»

Esai 30:6

Sɔɛi vueinaŋii dimin a visia co a ba too-a o kɔɔ-e co hee ni: a co keiyo o tàndá imɔnɔɔ a o tàndá sangaa co nin-ndo nin. O tàndá yàlà laandoo a yàlà piaandoo nin, o tàndá hɔ̀ɔ̀lɔ́ɔ̀ a tambálakáà nin. A handu sofɛlɛa ɲɛm sɔlan ndan o lakɔɔ, a dovi bolofaa ndaa o buun ɲɔɔmɛɛa coo, a co vanaa-mangalaa-isɔɔa solulnin nda kpeku oo kpeku le-a ɲɛm mun yoo,