Fulaa 5:1 - BII BILA

¹ O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»

Fulaa 5:1 Referans Kwoze

Fulaa 10:9

Mí Moise muli aa: «Naa kpow n bɛnda le kɔlan ni, kandɔɔ a felengia, kaasoŋaa yuuvɛiya, vanpiaandua kɔ bii a vanlaandua. N co vɛlɛ lakɔ a cɔlua naa: saa, cuinnda a nawva. Kani n bɛnda mì n tosa kafoo le Mɛlɛka naa biiloo.»

Dɛnnda kiilaa 4:29

Tofa vɔ niko mɛɛ nda co naa kɔngɔlanndo sunsun yɛ. Cɛl mì buɛyaa nɔmnda dimi sɔɛi nɔmnde a kɔlkɛsiaa.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Esai 25:6

Mɛlɛka-Nɔ-Kpaayaa-Kpow-vo tuisi kafo diaa le vannda súúlan kpow o pembei he coo, o toosiaanin ɲɛm dian yeelɛiyon, mɔima kálà-kálàn, visin macuɛiyon a mɔima kálà-kálàma yueinun-ndan.

Condii lisai 119:46

I diminin tɔŋnda nɔmnda lan masaa o hɔl, siɛmbula biinin ya le.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 6:11

«Kɔ soo o Faraɔnnɔɔ lo, masaa Esipte pɛɛn, mò mal Israɛlla, mà faŋan o lɛŋnde ndɔlen nin.»

Fulaa 6:27

Nda dimul Faraɔnnɔɔ, o co masaa Esipte-o, le Israɛlla solio o lɛŋnde Esipte len nin ni.

Fulaa 7:16

O kon, a dimul ndu aa: «Mɛlɛka, Hala Hebreea vem ya o nɔm ndo le nɔm dimullo aa nɔm mal cuavaa ndɔa mà kɔ biilu ndu o lɛŋnde veselɛilen nin. Kɛ háá hau, nɔm, á cɛl te.

Fulaa 8:1

Mí Mɛlɛka dimul vɛlɛ Moise aa: «Dimul Aarɔn mò siɛndi baa o peela bɛndulan, o tɛyun mamɛnndon a o dalalan kpow, haliko mi ŋɔɔŋɔɔnda fula, mà tiw o lɛŋnde Esipte len kpow nin.»

Fulaa 8:20

Mí Mɛlɛka tosa mɛɛ o dimi yɛ kangalan. Mí sunbungaa luɛi kundala bɛndulan o Faraɔnnɔɔ lo cɛinin, o vanaa ndɔa baalaa lo cɛilan nin a o cɛila Esiptea nin kpow. Mí ɲɛ-ɲɛ hiilun o lɛŋnde Esipte len nin a mɔnɛ sunbungaa kan va solio-o.

Fulaa 33:13

Taa ce ya pɛ ɲia lekɛ́ndɛi, mɛɛ cɔm-ndɔ ya yiyan nɔmndo haliko mi sina nɔm, mì sina dɔ́ɔ́ maa a ce ya ɲia lekɛ́ndɛi. Handɔɔ o kon coo, síná vɛlɛ maa cuavaa nɔmnda kpeekpei vannda ha co ni.»

Fulaa 7:2

Sɔɛi-sɔɛi ya dimul nɔm pɛ, nɔm tɛɛnguu ndi o Aarɔn bɛ nɔm ndo. O kon, ndu kɔ soo niko o Faraɔnnɔɔ lo haliko mo mal Israɛlla faŋanndo o lɛŋnde ndɔlen nin.

Fulaa 8:16

Mí Mɛlɛka dimul Moise aa: «Cɔn idiiyo púŋ mà kɔɛ o Faraɔnnɔɔ lo telen o vanin kɔlan o pee bɛndoo Nil-lo, mà dimul ndu aa Mɛlɛka dimul nɔm le cuavaa ndɔa malɔɔ mà kɔ biilu ndu.

Fulaa 8:17

Kɛ taa kɛɛ pɛ le nda malɔɔ, o co niaa sunbungaa tuisi coo niaa vanaa nɔmaa baalaa a vanaa tɔ̀a kpow, mà pɛ o cɛila nɔmndan nin ca. A co piɔ o cɛilan nin mà kumbu lɛŋnden kpow.

Fulaa 8:27

Mí Mɛlɛka tuɛi piɛile ndɔlen, mó tosa mɛɛ o piɛi ndu yɛ. Mí sunbungaa kɔannun, má faŋan Faraɔnnɔɔ, vanaa ndɔa baalaa a vanaa tɔ̀a kpow kɔɔli. Hali o pilɛ lo lon te.

Fulaa 9:1

Mí Mɛlɛka dimul Moise aa: «Kɔ ma kɔ komal Faraɔnnɔɔ, mà dimul ndu aa: ‹Mɛlɛka, Hala Hebreea dimul nɔm aa nɔm mal cuavaa ndɔa mà kɔ biilu ndu.

Fulaa 9:2

Taa kɛɛ pɛ le nda malɔɔ, mà kungulan nda coo,

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Fulaa 10:4

Taa kɛɛ pɛ le nda malɔɔ, i co siɔdii sóónɔa tuisi o lɛŋnde nɔmnden kpow coo.