Fulaa 4:5 - BII BILA

⁵ Mí Mɛlɛka dimul ndu aa: «Hee n tosanin ni mì Israɛlla sina maa Hala fuɲaa ndaa mamaa Abraham, Isaak a Yakɔb cɔmnun nɔm lekɛ́ndɛi ni.»

Fulaa 4:5 Referans Kwoze

Fulaa 19:9

Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

O Kandɔɔ 48:3

Mó dimul Yosɛf aa: «Paale pilɛ, mí Hala Vana-Kpaayaa-Kpow cɔmnun ya nɛɛ ya va Lus o lɛŋnde Kanaan-nden nin-nda, mó dɔaw ya duaa.

O Kandɔɔ 26:2

Mí Mɛlɛka cɔmnun ndu, mó dimul ndu aa: «Kɔa o lɛŋnde Esipte len nin te. A saa pɛ a cal o lɛŋnde ya co nɔm cɔm-nden nin.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Nsaŋ 11:42

Ya, i sínà maa a co ya mulullo lɔ́ɔ́-lɔ́ɔ̀, kɛ le sɛ́lɛ́ sim hoo nan-ndo ya co sɔɛi nuaa ni, haliko ma sina maa nɔm vem ya ni.»

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Dɛnnda kiilaa 7:2

Mí Etiɛn muli aa: «Puapilɛa nia, fuɲaa nia, la yaŋ ya nilan! Tuma fuɲa naa mamaa Abraham va vɔ caltan Mesopotami, ndóò kue vɔ calle Haran too, mí Hala nɔ biiloo-o cɔmnun ndu,

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Nsaŋ 11:15

I naŋ kɔl le niaa, le tùú ya kɛɛ va o hɔl-ndɔ-o, haliko mi la laalan. Kɛ n kɔnnun nɛɛ o co-a.»

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Esai 7:9

Samari co kobi lebollo le tàndá Efraim-ndo ni, po Remalia-o yɛ, ndu co masa lebollo le kobio Samari ni. Lelan te la sim yili o laalanndo nin te, la nɔlanin simullo yili le.›»

2Dɛnnda lemasalan 20:20

Diimandɔɔ idiiyo púŋ, mí nda kpow a can le kɔlan a kpeŋii lɛŋnde veselɛilen Tekoa. Telen kɔaa tiiyaa, mí Yosafat dimul nda aa: «Niaa Yudaa a niaa Yerusalɛmnda, la yaŋ ya nilan! La tiindan Mɛlɛka Hala niaa mì la sim yili. La kɛsi kɔltan vanaa-tɛɛngaa-diom Hala-a ndɔa coo, mì la tiwba.»

Fulaa 4:1

Mɛɛ Hala soo lende, mí Moise mulul ndu aa: «Kɛ a laalannin ya le, a yeŋnin bɛɛ lani o sɔɛi nii le. Kani a co ya dimul aa: ‹Còòlan fúú, Mɛlɛka cɔmnun nɔm te.›»

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

Fulaa 3:4

Mɛɛ Mɛlɛka ce maa o co sɔɔnguuo le cɔu lapi, mó veelu ndu o bɔɔ nin aa: «Moise! Moise!» Mí Moise cɛl aa: «Yoo!»

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Fulaa 4:4

Kɛ mí Mɛlɛka dimul ndu aa: «Siɛndi baa mà saa ndu puilen, mà cua ndu.» Mó Siɛndi baa, mó bii ndu. Mɛɛ o cua ndu, mó siŋnun vɛlɛ tindaa ndu o ba.

1Masaa 18:36

Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.