Fulaa 4:21 - BII BILA

²¹ Mí Mɛlɛka dimul ndu aa: «Taa muungu pɛ Esipte, kaamaala ya yɔngu nɔm kpaayaa le tosaa lan kpow, a bɛnda ma tosa lan Faraɔnnɔɔ o hɔl. Kɛ i kindinin Faraɔnnɔ kalaa nilan háá mò kɛɛ le Israɛlla malɔɔ kɔlan.

Fulaa 4:21 Referans Kwoze

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Esai 63:17

Éé Mɛlɛka! Le yɛɛ nɛ n co yɛ naa malɔɔ seemiaa mì n faŋan o nɛila nɔmndan coo, mì n kɔannun polon? Le yɛɛ nɛ n kindi yɛ naa nilan mí n kɛɛ le siòòŋii nɔmnde nɔu nɛ? A yandi muungu naa ikɛi, naa vanaa baalaa nɔmnda, polama fula o kɛ́ nɔmndo nin-ndan pɛɛn.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

Nsaŋ 12:40

«Hala suumiaa nda hɔltan, mó kindi nda nilan, haliko a ca le, a bii bila le, a mangalan o kon mì i singi nda le.»

Fulaa 14:8

Mí Mɛlɛka kindi Faraɔnnɔɔ, o co masaa Esipte-o nilan háá mó can Israɛlla kuello le nda biyɔɔ. Nduyɛ, a ba nda bɛɛn-bɛɛn Israɛlla faŋan o lɛŋnde Esipte len nin ni.

Fulaa 9:35

Maa mɛɛ Mɛlɛka soo a sondo Moise-o yɛ, mó kɛɛ le Israɛlla malɔɔ kɔlan.

Fulaa 9:12

Kɛ maa mɛɛ Mɛlɛka ndóò dimul Moise yɛ, mí ndu Mɛlɛka kindi Faraɔnnɔɔ nilan, o cɛl le sɔɛi Moise nda Aarɔn-nde biyɔɔ le.

Fulaa 7:13

Kɛ hali kon, mɛɛ Mɛlɛka dimi yɛ, mí Faraɔnnɔɔ kindi nilan peŋ, o cɛl sɔɛi ndɛi le.

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Fulaa 10:20

Kɛ mí Mɛlɛka kindi vɛlɛ Faraɔnnɔɔ nilan háá mó kɛɛ le Israɛlla malɔɔ kɔlan.

Fulaa 7:3

Kɛ i co ndu Faraɔnnɔɔ nilan kindi peŋ. I cɔɔlunin sɔɔn kɔndɔfillon a kaamaalan tosa o lɛŋnde ndɔlen nin.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Fulaa 14:4

I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

2Korɛntea 2:16

Le vanaa co kɔlan o lou nin-nda yɛ, cun yɔngu vana piɔ́mndo sɔlaa-o co nda diyɔɔ. A co kɔlan o nɛi cindaa coo-a nda, cun yɔngu vana yoomoo-o co nda yoomoo yɔngoo. Nɛ̀ɛ́ tiw yɛ ba mò tosa dɛnɔɔ ho?

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Condii lisai 105:25

Mí Mɛlɛka mangala Esiptea yiyanndan, má nɛinun nda, má muungu nda dúmbúlan yiiyo.

1Masaa 22:22

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon, mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, mà kɔ tosa mɛɛ n dimi nuaa yɛ.›

Tɔŋ miingua 2:36

Kandɔɔ a Aroɛr, ciee co kon o kɔngɔ feke-feke peo Arnɔn coo-o, keiyo a kobi co o bólta lan nin-ndo, kɔ tiiya háá Kalaad, n bumba kobi kɛ́-kɛ̀ biyɔɔ le. Kani mí Mɛlɛka Hala naa mal tan kpow naa o ba.

O Kandɔɔ 6:3

O kon, mí Mɛlɛka dimi aa: «Yoomu nuu lo lɛnin vanndacieea nin le lɔ́ɔ́-lɔ́ɔ̀ le. Kani ɲaa yoomaa bɛnda le piɔ́mndo sɔlaa-a nda co ni. Lelan, yoomu ndaa hiw lɛnin bandei o vɔsilan kɛmɛ a bidiin coo le.»

Fulaa 10:1

Mí Mɛlɛka dimul Moise aa: «Kɔ o Faraɔnnɔɔ lo, kani ya Mɛlɛka kindi ndu nilan nda vanaa ndɔa baalaa ni, haliko mi tuisi nda kpundɛlan-ndan kpow coo.

Fulaa 10:27

Kɛ mí Mɛlɛka kindi Faraɔnnɔɔ nilan háá mó kɛɛ le nda malɔɔ kɔlan.

Fulaa 11:9

Mí Mɛlɛka dimul Moise aa: «Faraɔnnɔɔ yeŋnin nilan o sɔɛi niɛi mò bii ndi le. Kon kpow co tosan haliko mi vangala kpundɛlan Esiptea coo.»

Fulaa 11:10

Faraɔnnɔɔ, Moise a Aarɔn o hɔl kpundɛlan ndan kpow la tosan ni. Kɛ mí Mɛlɛka kindi ndu Faraɔnnɔɔ nilan háá mó kɛɛ le Israɛlla malɔɔ faŋanndo o lɛŋnde ndɔlen nin.

Condii lisai 78:43

Má pɔɛɛnun sɔɔn kɔndɔfilin o tosa Esipte-on, a dɛnnda kaamaala o tosa o tàndá Soan-ndo nin-ndan.

Fulaa 3:19

I sina maa masaa Esipte cɛlnin le niaa malɔɔ le. Le niaa malɔɔ, fɔ mì sɔɛi kalɛi hiow ndu mayoomu.

Fulaa 8:11

Mɛɛ Faraɔnnɔɔ ce maa kpundɛ kon faŋan nda coo, mó kindi vɛlɛ nilan maa mɛɛ Mɛlɛka ndóò dimi yɛ, mó kɛɛ le sɔɛi Moise nda Aarɔn-nde biyɔɔ.

Fulaa 8:15

O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.

Fulaa 14:17

Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.