Fulaa 4:13 - BII BILA

¹³ Mí Moise dimul Mɛlɛka aa: «A yandi Maalii, viom vana celen n yeemanin le viomɔɔ-o.»

Fulaa 4:13 Referans Kwoze

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

Fulaa 4:1

Mɛɛ Hala soo lende, mí Moise mulul ndu aa: «Kɛ a laalannin ya le, a yeŋnin bɛɛ lani o sɔɛi nii le. Kani a co ya dimul aa: ‹Còòlan fúú, Mɛlɛka cɔmnun nɔm te.›»

Nsaŋ 6:29

Mí Yeesu mulul nda aa: «Baala Hala-o co ni, mì la laalan vana o vem-ndo.»

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Yonas 1:6

Mí vana va bolle vanaa tɛɛngaa-o sɔɔnguu ndu ikɛi, mó dimul ndu aa: «Nɔm sei, yee a connun o lɔan? Cɔn ma piɛi Hala nɔmndo, bɔɔle mò tuinun naa iɲíí, o kon n vinin te.»

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Yeremi 1:6

Mí muli aa: «Éé! Maalii Hala, i cee sɔɛi le, kani cuaambɔɔ ya co ni.»

Masaa kialaa n'yamaa 2:1

Mɛɛ mɛlɛkanɔ Hala-o fula Kilkal, mó kɔa Bokim. Mó kɔ dimul Israɛlla aa: «I soli niaa Esipte mí kɔa a niaa o lɛŋnde ya mɛnalan sindɛ fuɲaa niaa mamaa le nda keo len nin. Mí dimul niaa maa i mangalanin kpema ya yiilu niaa-o lɔ́ɔ́-lɔ́ɔ̀ le.

Fulaa 23:20

«I co mɛlɛkanɔɔ vomɔɔ niaa laci le niaa mandaa nɛi-tɛɛn a le niaa yɔɔ o fonda ya bɛɛndial niaa-o.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

Fulaa 4:12

Nɔm kɔ ma kɔaa tuŋ. I vanin nɔm ikɛi telen n vanin sɔɛi-yo, mì cɔm nɔm ɲɛ n bɛnda le dimio-o.»

Fulaa 4:14

Mí Mɛlɛka tuulu kɔl a ndu, mó dimul ndu aa: «Aarɔn bɛ nɔm leviinɔ co macoaa lon te? I sina maa ndu caa sɔɛi taw. O co nin bɛɛ hunɔɔ nɔm diomɔɔ. Lɔ́ɔ́ o canin nɔm-ndo, o naŋnin kɔl taw.

O Kandɔɔ 41:35

Mà cuungiaa ɲɛdiaa vanin fulaa o vɔsila ŋɔmmɛwla kɛndɛlan nin-ndo, mà luei maalon o cɛila mandaa ɲɛlan nin o ba nɔmndo bɛngu. Mà manda mun le vɔsila fofolalaa co hunɔɔ lan.