Fulaa 4:1 - BII BILA

¹ Mɛɛ Hala soo lende, mí Moise mulul ndu aa: «Kɛ a laalannin ya le, a yeŋnin bɛɛ lani o sɔɛi nii le. Kani a co ya dimul aa: ‹Còòlan fúú, Mɛlɛka cɔmnun nɔm te.›»

Fulaa 4:1 Referans Kwoze

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Dɛnnda kiilaa 7:25

Moise va yiyanndo maa puapilɛa ndɔa va yiyan maa a ndu o kɔɔ Hala va nda baŋa fulaa o cɛlen nin ni, kɛ nda ve ken sina le.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Yeremi 1:6

Mí muli aa: «Éé! Maalii Hala, i cee sɔɛi le, kani cuaambɔɔ ya co ni.»

Fulaa 6:30

Mí Moise mulul Mɛlɛka aa: «O co vana caa isɔɔ le ya co le, Faraɔnnɔɔ yeŋnin ya bɛɛ lani le.»

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Fulaa 2:14

Mí langbanɔ kon mulul ndu aa: «Nɛ̀ɛ́-nɛ̀ siinguu yɛ nɔm simlacinɔɔ a yamanɔɔ naa coo? Bàà a yeema ma dii ya mɛɛ n dii ciɛi Esiptenɔɔ yɛ?» Mɛɛ Moise ce maa vannda sina sɔɛi ken, mí siòònde bii ndu.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Fulaa 4:10

Mí Moise dimul Mɛlɛka aa: «Hee kendu dɛ Maalii! Kani o co vana nɔla isɔɔ a mayoomu o luŋ te ya co le. Kabi paandu i cee isɔɔ le, nɔm pila sina maa kabi n kandu sɔɛi o ya lo, i nɔla sɔɛi taw le.»

Fulaa 4:30

Mí Aarɔn downun nda kona, mó dimul nda sɔɔn Mɛlɛka dimul Moise-on kpow, mó tosa vɛlɛ kaamaala lan nda a Israɛlaa tɔ̀a kpow o hɔl.

Fulaa 6:12

Mí Moise mulul Mɛlɛka aa: «Israɛlla yeŋ nilan o sɔɛi nii le, vɛ̀ɛ̀ Faraɔnnɔɔ yaŋnun yɛnin ya, ya cee hoo isɔɔ loo?»

1Masaa 13:3

Paale pilɛle len, mí vana-tɛɛngaa-diom Hala kon dimi aa: «Le niaa cɔmndo maa Mɛlɛka dimi sɔɛi he ni, fonda-loamaa-lasálà kalaa co piɔl sisa, mì pulta macuɛila co lecoo lan la saŋnun kpede.»

Masaa kialaa n'yamaa 6:17

Mí Sedeɔn muli aa: «Taa cɛl pɛ, tuinun ya iɲíí ma cɔm ya tɔɔmaseloo pum, le sinaa maa nɔm lekɛ́ndɛi co sɔɛi o ya lo ni.