Fulaa 39:1 - BII BILA

¹ Má tosa volɔɔla vanaa-solia-lasálàá le vallo tosaa a lan lekɔɔ o cɛi-kola-toandaa diandaa nin a volɔɔla bolle vanaa-solia-lasálàá Aarɔn-ndan a kola nda yin a kaan-ndo, a kola siaŋa sɔɔtɔtɔɔ, a kola siaŋa vólotótoo. Má tosa lan mɛɛ Mɛlɛka pila cɔm Moise le tosaa yɛ kpafii.

Fulaa 39:1 Referans Kwoze

Fulaa 31:10

volɔɔla ifalenndan a volɔɔla solia lasálàla Aarɔn-ndan, volɔɔla solia lasálàla poaa ndɔa, la nda vanin vownɔnndo le vali solia lasálàá tosaa lan,

Fulaa 35:23

Mí vanáà nɔ kolala keesela nda yin a kaan-ndan-nda, la nda lɔ a kɛila siaŋala sɔɔtɔtɔlan-nda, la nda lɔ a kɛila siaŋala vólotótolan-nda, kolala toosian a yiiŋii cuinnda lan, yáwla saa kóndóla nda yin yinɔɔ siaŋaa lan a vanáà nɔ yáwla kálà-kálàlan o ba cɛilan nin-nda hun a lan.

Fulaa 35:19

Mà sɔndu volɔɔlan le sálàlan solio a lan lekɔɔ o cɛi-kola-toandaa diandaa nin, volɔɔla sálàlan le bolle vanaa-solia-lasálàá Aarɔn, a volɔɔla poaa ndɔa vownunnin le sálàlan solio lan.»

Hebreea 9:25

Vɔsi oo vɔsi, mɛɛ mì bolle vanaa-solia-lasálàá ndóò luɛi o fonda diandaa-diandaa nin a kooma ve kooma ndɔ ndu pila le-an. Kɛ Krista luei o halataala le ndu pila sálà solin bɛmbɛ lediin-leyaa le.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Esekiɛl 43:12

Tɔŋ Cɛi-Hala co kon o pembei tullo-o co hoo ni: lɛŋnde balu cɛi kon-nden kpow ledianda-diandaa le co ni. A toɲa, tɔŋ cɛi kon co kon ni.

Esekiɛl 42:14

Te vanaa-solia-lasálàá luɛi pɛ lon, a bɛnda lɛ ma cɛn o fonda diandaa kon nin, mà fula a kpengii bɛɛ co lekɔɔli-o le. Kɛ a bɛnda mà soli fɔlɔn volɔɔla nda soli sálàá lekɔɔ lan, ma mɛi lan ndon. Kani ladiandaalan volɔɔla lan la co ni. A soli pɛ lan, a vownun volɔɔla cuɛinannda celen malan nda sɔɔnguu o fonda co le vanaa tɔaa-o.

Condii lisai 93:5

Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.

Fulaa 39:41

volɔɔla cuɛinanndan le vallo tosaa o Cɛi-Diandaa kon nin, volɔɔla cuɛinannda diandaala Aarɔn-ndan, a volɔɔla cuɛinannda poaa ndɔa le vali solia lasálàá tosaa.

Fulaa 26:1

«Ma tangul Calta Mɛlɛka lan a kolala keeselan tɔ́, la nda muulian lɔu a kɛila kpeendaalan, a kolala yiiŋii saala nda yin a kaan-ndan, la nda yin yinɔɔ siaŋa sɔɔtɔtɔɔ lan a la nda yin yinɔɔ siaŋa vólotótoo lan-ndan. Mì vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Fulaa 25:4

yɔɔsɔla nda yin a kaan-ndan, yɔɔsɔla siaŋala sɔɔtɔtɔlan, la siaŋala vólotótolan, kola keese fɛtufɛtoo, kola toosian a yiiŋii cuinnda-o,

Fulaa 38:31

fondala kɛsiaa latumnda sungbuma kunga bɛɔ kpow, a sungbuma dio kunga kon, pikin co le Calta Mɛlɛka lan tondɔɔ-on a pikin co le kunga bɛ́ɛ̀ ndɔɔ tondɔɔ-on kpow a daɲan mun.

Fulaa 28:5

Mì vanaa kan toosiaa ɲɛla lan a sianion, a kɛila nda yin a kaan-ndan, a kɛila siaŋala sɔɔtɔlɔlan, a kɛila siaŋala vólotótolan a á kola keesoo.»