Fulaa 32:8 - BII BILA

⁸ A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Fulaa 32:8 Referans Kwoze

1Masaa 12:28

Le hee, mí masaa Yeroboam nuwviaa nɛilan, mó cɔaw navaa téndéa nda ŋiɔn a sianion, mó dimul vannda aa: «Éé Israɛlla! O co lɛhau le niaa kandu sangaa le kɔlan Yerusalɛm te. Lelan, la tofa vɔ halaa niaa, a soli niaa o lɛŋnde Esipte len nin-nda!»

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

Tɔŋ miingua 9:16

Mɛɛ ya tofa niaa, mí sina maa la cua hakio a Mɛlɛka Hala niaa lekɛ́ndɛi. Kani mí la cɔaw naw téndóó a ciliŋun niaa teengiaa-on, mí la keleŋa faŋan cɔ́-cɔ́ o nɛi Mɛlɛka cɔm niaa-o coo.

Masaa kialaa n'yamaa 2:17

Kɛ a ve bɛɛ masaa kialaa n'yamaa kan lani yaŋɔɔ le, halaa celennda tuŋ nda va sooloo ni. Ma baŋ vulan nda o labɛngunin. Ma mulul dɔ́ɔ́ nɛila fuɲaa ndaa va kelaa coo lan kɔɔ, a bii tɔŋnda Mɛlɛka lan mɛɛ fuɲaa ndaa va tosaa yɛ le.

Fulaa 22:20

La sáángiaa mialaa co niaa o bɛngu coo-a le tɔnɔɔ solio nda o n'dial te, la luei nda mɔnɛi le. Kani niaa bɛɛ, mialla niaa yɔŋnun o lɛŋnde Esipte len nin ni.

Fulaa 32:4

Mí Aarɔn bii mun nda o laba, mó teengiaa mun, mó vow mun o ɲɛ pum nin, mó cɔaw piɔmndo a mun maa naw téndé. O kon, mí nda kpow a saan kponyoo a yondaa aa: «Israɛlla, mì la ce hala niaa! Ndu soli niaa o lɛŋnde Esipte len nin ni.»

Fulaa 34:15

Lelan, la yii kpema niaa vanaa niaa co komal o lɛŋnde len nin-nda le. Te la yii pɛ kpemaa a nda, la laasian nda kɔɔli o piɔmaa ndaa sooloo nin, la de ɲɛ nda solul piɔmaa ndaa sálàá-o.

Tɔŋ lasálàá 17:7

Hee tosan pɛ, Israɛlla pɛngi halaa fondoa nɔ hɔlla maa cuinaa toovi-a sálàlan solullo, à nda co laasianndo kɔɔli ma va nda sooloo-a pɛɛn. La bɛnda mì la bii silaa ho, kandɔɔ a niaa pila kɔ bii a cuavaa niaa imamaa.›

Tɔŋ miingua 9:12

mó dimul-la aa: ‹Cɔn ma keleŋa tolɔɔ cɔ́-cɔ́, kani vanaa n soli o lɛŋnde Esipte nin-nda laasian, vannda ha keleŋa bɔɔ nɛi ya cɔm nda-o malɔɔ! A cownun piɔmndo a ciliŋun nda teengiaa o yin-ndon.›

Tɔŋ miingua 32:17

Má solul ɲinaa vɔɔŋaa co Hala le-a sálàlan, ɲɛm biilan ndáà sina paandu loon, má solul vɛlɛ ɲɛm biilan fula sɛnɛi-yon sálàlan, ò fuɲaa niaa ndáà ve biilu loon.

Condii lisai 78:36

Kɛ a va ndu huiyo a lasondo, a va ndu sɔɔn lacòòvan dimullo.

Yosue 22:15

Lɔ́ɔ́ nda tiiya o tàndá Kalaad-o nin-ndo, má tɛɛngul yungula fula o polale Rubɛn-nden, polale Kad len a o polale tálále Manase len nin-ndan

Masaa kialaa n'yamaa 8:24

Mó handu vɛlɛ diomndo lecoo aa: «Ɲɛ ya co niaa piɛi-yo co hoo ni: niaa kpow, vana-vana ke ya kelɛi suei i pilɛ, i o sɔla o bolofaa cɔwvo nin-nde.» Madiaŋaa ndáà nɔla kan-nda ndáà nɔ kelan sianion o n'su, kani o polale Ismaɛl-ten nin ndáà fula ni.

Nehemi 9:18

Hali lɔ́ɔ́ nda teengiaa cilinndon, má cɔaw naw téndóó a mun, má dimi aa: ‹Hala naa co hoo ni, o soli naa Esipte-o›, telen nda tosa kon dɛnnda nɔɔlɛilan-ndo,

Condii lisai 106:19

Má toosiaa naw téndóó Horɛb, má muungu piɔm nda cɔw a ciliŋun teengian-ndo sooloo.

Esai 46:6

Vannda pum co sianion solio o bɔlɔla ndala pɔmbɔlan nin, a co volion tuuvo o ɲɛ tuvaa coo, a co vana teengiaa n'volio salaa, le nda piɔmnda cowvo a ɲɛm mun. O cɔw pɛ, a baŋ vulan piɔm kon o labɛngunin, a sooluu ndu.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.