Fulaa 32:4 - BII BILA

⁴ Mí Aarɔn bii mun nda o laba, mó teengiaa mun, mó vow mun o ɲɛ pum nin, mó cɔaw piɔmndo a mun maa naw téndé. O kon, mí nda kpow a saan kponyoo a yondaa aa: «Israɛlla, mì la ce hala niaa! Ndu soli niaa o lɛŋnde Esipte len nin ni.»

Fulaa 32:4 Referans Kwoze

Nehemi 9:18

Hali lɔ́ɔ́ nda teengiaa cilinndon, má cɔaw naw téndóó a mun, má dimi aa: ‹Hala naa co hoo ni, o soli naa Esipte-o›, telen nda tosa kon dɛnnda nɔɔlɛilan-ndo,

Tɔŋ miingua 9:16

Mɛɛ ya tofa niaa, mí sina maa la cua hakio a Mɛlɛka Hala niaa lekɛ́ndɛi. Kani mí la cɔaw naw téndóó a ciliŋun niaa teengiaa-on, mí la keleŋa faŋan cɔ́-cɔ́ o nɛi Mɛlɛka cɔm niaa-o coo.

Dɛnnda kiilaa 7:41

O kon má toosiaa naw téndóó, má solul piɔm kon sálàá, má dɔawnun ɲaale le ɲɛ nda pila cɔwnun kon a laba-o.

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

1Masaa 12:28

Le hee, mí masaa Yeroboam nuwviaa nɛilan, mó cɔaw navaa téndéa nda ŋiɔn a sianion, mó dimul vannda aa: «Éé Israɛlla! O co lɛhau le niaa kandu sangaa le kɔlan Yerusalɛm te. Lelan, la tofa vɔ halaa niaa, a soli niaa o lɛŋnde Esipte len nin-nda!»

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Esai 46:6

Vannda pum co sianion solio o bɔlɔla ndala pɔmbɔlan nin, a co volion tuuvo o ɲɛ tuvaa coo, a co vana teengiaa n'volio salaa, le nda piɔmnda cowvo a ɲɛm mun. O cɔw pɛ, a baŋ vulan piɔm kon o labɛngunin, a sooluu ndu.

2Dɛnnda lemasalan 13:8

Nihau, la nɔ o lakɔl maa la co masale Mɛlɛka ke poaa David-a len simul? La co sɛ́lɛ́ taw, la nɔ navaa téndéa cɔwnun a sianion-nda, á Yeroboam cow niaa ma va halaa niaa-a o ba.

2Dɛnnda lemasalan 11:15

Mí Yeroboam pila siinguu vannda pum vanaa-solia-lasálàá le cuinaa toovia ndɔa a piɔmaa ndóò toosiaa maa navaa téndé le sooloo o tombun ndɔn coo-a.

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

2Masaa 10:29

Kɛ a kon kpow, Yehu soli balan o hakila Yeroboam, po Nebat-o va tosaa lan nin te. Nduyɛ, Yeroboam kon ndóò mal Israɛlla o pɔwlan nin ni, má va navaa nda cɔw a sianion-nda sooloo Betɛl a Dan.

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

1Masaa 12:32

Mó handu kafoo o paale tɔ́ a leŋuɛɛnundɔlen coo, o paangii ŋɔmaandɔɛi nin. Mí kafo kon tosan mɛɛ kafo va tosanndo Yuda-o va yɛ. Mí ndu pila soli sálàlan o fonda-loamaa-lasálàá coo. Nuaa o tosa Betɛl ni, mó solul navaa ndóò cɔw-va sálàlan, mó kɛsi vanaa-solia-lasálàá ndóò hɛli-a a pum Betɛl lon le cɛila máánnda ndóò tangul lon-ndan.

Fulaa 28:11

Cua vana caa powtan siɔlɔɔ-o, mò sɛl diola lan o powta tiɔnnda lan coo mɛɛ nda sial powvo mà toosiaa tampɔnndo nuaa yɛ. Ma hol powta tiɔnnda lan o sianion coo.

Fulaa 28:9

Ma cua powta onikselan tan tiɔn, ma sɛva diola poaa Israɛl-la lecoo.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

1Korɛntea 10:7

La siŋnun vanaa soolaa n'piɔmnda maa a pum o nda tɛɛn te, maa mɛɛ sɛbɛ Hala-o dimi yɛ aa: «Vannda cal le dioo a kolɔɔ, o kon kɔɔli má can pisulta bɛɛ tambɛilan.»

Fulaa 32:3

Mí nda kpow a sooluu dɔ́ɔ́ kelan n'sianin va nda o lani-on, má cuu Aarɔn mun.

Fulaa 32:5

Mɛɛ Aarɔn ce lende, mó cɔaw fonda-loamaa-lasálàá piɔm kalaa laci. O kon kɔɔli, mó yonda coocoo aa: «Siɔdii, kafoo tosannin le Mɛlɛka.»

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Fulaa 32:24

Ya bɛɛ mí mulul nda aa vanaa nɔ kelan n'sianion o lani-a sooluu mun mà cuu ya. Mɛɛ nda sooluu mun má cuu ya, mí teengiaa mun o yin, mí hoo fula.»

Fulaa 32:35

Mí Mɛlɛka soaŋ vanaa kan le piɔm n'siani Aarɔn cow nda kon maa naw téndé-o.

2Masaa 10:20

Mí Yehu dimul nda aa: «La yoongu vannda le bɔŋan bɛndoo biyɔɔ le Baal.» Má bii bɔŋanndo.

Esai 30:22

La bɛnda mì la ce volin niaa holi piɔmaa niaa-on a sianin niaa bɛli nda-on maa n nɔɔlɛiyon n co ni. La bɛnda mì la viow nda a mun ma ɲɛ co o nɔɔlɛiyo-o, mì la dimi aa: «La fula nanu!»

Esekiɛl 23:8

O mel suundala ndɔla o kandu o lɛŋnde Esipte len nin-ndan te, lon pá nda hini a ndu o felengiyɛi ndɔɛi nin ni, má piilian ndu mɛɛma vanapɔnɔ ndóò pilan-ndɔ le-an. Má laasiaa ndu a suunda ndaa.

Fulaa 20:4

La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Masaa kialaa n'yamaa 8:24

Mó handu vɛlɛ diomndo lecoo aa: «Ɲɛ ya co niaa piɛi-yo co hoo ni: niaa kpow, vana-vana ke ya kelɛi suei i pilɛ, i o sɔla o bolofaa cɔwvo nin-nde.» Madiaŋaa ndáà nɔla kan-nda ndáà nɔ kelan sianion o n'su, kani o polale Ismaɛl-ten nin ndáà fula ni.

Masaa kialaa n'yamaa 8:27

Mí Sedeɔn cɔaw piɔmndo a sianin mun, mó kɛsi ndu Ofra o ndu lo ciee. Mí Israɛlla kpow a laasian o ndu sooloo nin. Mí dɛnɛ kon siŋnun yaŋɔɔlen le Sedeɔn a yungu ndɔɔ.