Fulaa 32:12 - BII BILA

¹² Taa tɛɛmbuu nda pɛ, Esiptea co dimi aa ‹A yiyan vɔɔndo Hala ndaa soli nda Esipte ni, le nda kɔlan diwvo o lɛŋnde n'pembulen nin mì diola ndalan la faŋan o ceendo coo.› Lelan, ɲulul kɔl ma mal kpundɛ n tuu le vanaa nɔmnda tuisio coo-o.

Fulaa 32:12 Referans Kwoze

Tɔŋ miingua 9:28

yɔŋii vanaa co o lɛŋnde naa n faŋan nin-nden nin-nda dimi aa: Mɛlɛka ndóò nɔla nda lueiyo o lɛŋnde o yiilu nda kpemaa len nin te. Nɛyɔn ndaa ndóò nɔ ni, lelan o faŋa nda nanu le kɔlan nda diwvo o lɛŋnde veselɛilen nin ni.

Yosue 7:9

Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Sakari 8:14

Kani ya Mɛlɛka-Nɔ-Kpaayaa-Kpow-vo dimi ni aa: Mɛɛ yáà tuu paandu le niaa dɛnɛ vɔɔndo tosallo le tùú fuɲaa niaa mamaa tuulu ya kɔl-lo yɛ, yáà mangala vɔ yiyan kon te. Ya Mɛlɛka-Nɔ-Kpaayaa-Kpow-vo o co sɔɛi nuaa ni.

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Amɔs 7:6

Le hee, mí ɲííye bii Maalii, Mɛlɛka pɛɛn, mó mangala yiyanndo, mó dimi aa: «Hee bɛɛ tosannin te.»

Amɔs 7:3

O kon mí ɲííye bii Mɛlɛka, mó mangala yiyanndo, mó dimi aa: «Ken tosannin te!»

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Condii lisai 90:13

Éé Mɛlɛka! Háá telen kuɛɛ n lo yɛnin kɔl tambɛiyo ho? Tuinun naa vanaa nɔmaa baalaa iɲíí.

Condii lisai 85:3

A faŋa tɛɛmbuula vanaa nɔmnda, má mal nda haki a hakila ndalan kpow.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Condii lisai 74:18

Yiyan-ndɔ hee Mɛlɛka: Yaamɔɔa co nɔm mamɔɔ, diɔmnda co diola nɔmndan pɛɛsaa.

Ɛsdras 10:14

O co fisa mì simlacia naa lo nanu o diola vannda kpow. O kon, mì vanaa-vanaa cua laandaa mangalaa isɔɔa o naa Israɛlla tɛɛn a komal nda o lɔ́ɔ́ naa n yimnin nda-o coo. A hunnin latulu nda vanaa kɔlkalua a vanaa kialaa n'yamaa co o kobila ndalan nin-nda. Lende naa n co tosa ni háá mì kɔltuw bɛndu Hala-o ho pɔlul a naa le dɛnɔɔ ho.»

Yosue 7:26

Má cuungiaa powtan bémboo Akan coo, powta lan la co vɔ lon háá paalen nden. O kon mí Mɛlɛka ɲuulul kɔl, mó mangala kɔltuw ndɔɔ. Lelan nda ke fonda kon diolan ni aa bóllo Akɔr (kon co dimio ni aa «Ból dɛnɛ palaa»), diola lan o nɔ háá paalen nden ni.

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

O Kandɔɔ 6:6

Le hee, mí mɔnɛi bii ndu, mí ndu pila ɲunan ɲɛ vem ndu vanacieo cɔvɔɔ mó soli ndu o ceendo coo-o.

Fulaa 33:13

Taa ce ya pɛ ɲia lekɛ́ndɛi, mɛɛ cɔm-ndɔ ya yiyan nɔmndo haliko mi sina nɔm, mì sina dɔ́ɔ́ maa a ce ya ɲia lekɛ́ndɛi. Handɔɔ o kon coo, síná vɛlɛ maa cuavaa nɔmnda kpeekpei vannda ha co ni.»

Kundalan 16:21

«La faŋan o sɛ́lɔ́ɔ́ ho tɛɛn, kani i co nda tɛɛmbuu sisa»

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

1Masaa 8:51

Kani vanaa nɔmnda nda co ni, kɛ́ nɔmndo nda co ni, nɔm soli nda o tóndó icilin tuwvo nin Esipte ni.

Yeremi 28:16

Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»

Yɔɛl 2:17

Vanaa-solia-lasálàá co Mɛlɛka baalaa tosallo-a bɛnda mà sim o tongo-sɛmtɔɔ a fonda-loamaa-lasálàá tɛɛn mà caŋ taw. Mà piɛi nuaa aa: «Éé Mɛlɛka! Tuinin vanaa nɔmnda iɲíí, yandi. Tuisì vanaa co kɛ́ nɔmndo-a siɛmbulan te, yɔŋii vanaa-mangalaa-isɔɔa mam nda. Vɛ̀ɛ̀ ma tosa mì vannda ɲuna vanaa súúla celennda tɛɛn aa: ‹Kuɛɛ nɛ Hala ndaa co yɛ?›»

Kundalan 14:19

Lelan, i tɛɛlun nɔm a yandi, mal vannda ha haki le yɔŋ vɔɔn ndaa mɛɛ canyɛi nɔmnde co ibɔɔ yɛ, mal nda haki mɛɛ n dema nda haki malɔɔ kabi cɔnɔn ndaa Esipte háá sisa yɛ.»

Esai 64:7

Nduyɛ nɔm Mɛlɛka, nɔm co fuɲa naa ni, naa naa, puulu cɔavaa n'kpɛɛnɔɔ naa n co ni, nɔm co vana cɔw naa-o ni, naa kpow, vali bala nɔmndan la tosa-o naa n co ni.

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.