Fulaa 32:1 - BII BILA

¹ Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

Fulaa 32:1 Referans Kwoze

Dɛnnda kiilaa 7:40

Má dimul Aarɔn aa: ‹Cow naa piɔmndo, mì ndu va hala naa le naa kɔlan laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu-o le.›

Tɔŋ miingua 9:9

Lɔ́ɔ́ ya hel o pembei coo le powta yɛ́ndɛ́la kpema Mɛlɛka yii a naa-o va o sɛvaa coo lan biyɔɔ-o, mí lo lon háá palɛi belehiɔɔlu a malɔ belehiɔɔlu, i ve ɲɛdiaa dio le, i ve vɛlɛ mamɛn kolɔɔ le.

2Piɛr 3:4

a dimulnin niaa aa: «Vɛ̀ɛ̀ ndu le dimi aa o co hunɔɔ le? Mɛɛ ɔ́ɔ̀ niko ndu? Fuɲaa naa vi lɔ́ɔ́ kon, kɛ mɛɛ dɛnndan la co kabi o ceendo cɔwnɔnndo yɛ, lende koni la co vɔ ni.»

Fulaa 24:18

O kon, mí Moise luɛi o kumii ken nin, mó hel háá o pembei tullo. Mó tosa palɛi belehiɔɔlu a malɔ belehiɔɔlu o pembii ken coo.

Matie 24:48

Kɛ te o va pɛ vana baala vɔɔndo, o co dimi aa: ‹Vana ni bɛndoo yalanin hunɔɔ le›.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

Misee 6:4

Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Fulaa 32:11

Kɛ mí Moise ɲɔɔlu Mɛlɛka Hala ndɔɔ, mó dimul ndu aa: «Éé Mɛlɛka! Le yɛɛ ma tuulu kɔl a vanaa nɔmaa n soli haa o lɛŋnde Esipte len nin a kpaaya bɛndoo a ba nɔm mayoomoo-a?

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Fulaa 14:11

O kon kɔɔli, má mululun Moise, má dimul ndu aa: «Sɛila bɔɔ la co macoaa Esipte le? Le yɛɛ nɛ n hin yɛ a naa le piɔ́mndo sɔlaa o lɛŋnde veselɛilen nden nin? Le kɔlɔ yɛɛ n soli yɛ naa o lɛŋnde Esipte len nin?

Fulaa 13:21

Mɛlɛka va nda kɔlan laci ipala o tindile ikumnden nin le nda nɛiyo cɔmndo, icɔl-lɛ o va kɔlan nda laci o tindile leyinnden nin le nda ɲɔɔ teengiallo, haliko mi ndáà va kɔlan ipala a icɔl.

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

O Kandɔɔ 44:15

Mí Yosɛf ɲuna nda aa: «Dɛnɛ yɛɛ niaa tosa yɛ ho? La co pá sinaa maa te vanndo va pɛ mɛɛ ya co nuaa yɛ, o bɛnda le sɔɔn viannanndon sinaa?»

Yosue 7:13

Cɔn ma dimul vannda mà bɛɛndian le bɔŋanndo naa ndaa siɔdii. Ma dimul nda aa: ‹Mɛlɛka Hala Israɛlla dimi aa ɲɛm o kuuna niaa le cuaa-on co niaa tɛɛn, niaa Israɛlla pɛɛn. Te la tɛɛmbuu ɲɛm mun niaa tɛɛn te, la nɔlanin yaamɔaa niaa simullo le.›

Fulaa 33:3

Mɛlɛkanɔɔ co lakɔ a niaa o lɛŋnde cɔlua a tɔlɔɔlan la naŋ nin taw-taw len nin. Kɛ ya pila Mɛlɛka, i kuenin niaa tɛɛn te, kani la co bɔɔ vanaa lanila kalu. Te i kɔɛ pɛ niaa tɛɛn, i kei niaa diw nɛi-tɛɛn kpow.»

O Kandɔɔ 44:4

Má faŋan ciee, má bii kɔlan. A kue bɛɛ levil te, mí Yosɛf koma dimul vana va cɛi ndɔɔ hɔlten coo-o aa: «Diom vannda ha. A bendal nda pɛ, a ɲuna nda aa: ‹Le yɛɛ niaa mingi yɛ dɛnɛ vɔɔndo le dɛnɛ kɛndɛ nda tosal niaa-o?

O Kandɔɔ 39:8

Kɛ mí Yosɛf kɛɛ, mó dimul ndu aa: «Vana ni bɛndoo cua cɛi ndɔɔ kpow mó sɔaa ya o ba, o ɲuna ya kona le ɲɛ-ɲɛ co nanu le, ɲɛm ndɔn sɔlan kpede ya n co o ba ni.

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

Matie 24:43

La sina hee pɛɛngu: te vana cɛiyo ndóò sina pɛ telen vuiyo co hunɔɔ ndu ciimbuu o ɲumndan nin-ndo, o va lo lahɔl. Ndóò cɛlnin mì vuiyo ndóò pɛl cɛi ndɔɔ le.

O Kandɔɔ 21:26

Mí Abimelɛk mulul ndu aa: «I sina vana puu soon kólaa kon-ndo le. Nduyɛ, nɔm Abraham pila bɛɛ, a dow ya bali vaa lende le. Hau ko ya co ndi tueyɔɔ nuaa ni.»

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

Fulaa 32:23

Nda pila dimul-la ni aa: ‹Cow naa piɔmndo mò va maa hala naa, mò va kɔlan naa laci, kani n sina ɲɛ yɔŋnun Moise soli naa hoo o lɛŋnde Esipte len nin-ndo le.›

Kundalan 14:22

vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,

Esekiɛl 20:8

Kɛ má luɛi seesiɛi a ya, a cɛl le nilan yaŋɔɔ o diom nuu le. Vana-vana viw ɲɛ nɔɔlɛi ndóò mulul hɔlla-o le, a faŋan piɔmaa Esiptea kɔɔli le. Le hee, mí dimi le kɔl ni tuwvo cuiŋio nda coo, le kɔltuw nuu kpow tuisio nda coo o lɛŋnde Esipte len nin.

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Fulaa 32:22

Mí Aarɔn mulul ndu aa: «Tuulu kɔl te vana ni bɛndoo. Nɔm pila sina maa yiyan tosaa dɛnɛ vɔɔndo tuŋ co vannda ha nin ni.

Tɔŋ miingua 9:1

«Niaa Israɛlla, la yaŋ nilan! La co hau peo Yurdɛn taŋɔɔ le kɔlan vanaa-mangalaa-isɔɔa hiow niaa kpaayaa a sɛ́lɔ́ɔ́-a tovɔɔ, mì la hɛlu kobila bɛndulan a kobila co lakungaalan a kpakio háá o halataala lan.

Tɔŋ miingua 31:8

Mɛlɛka pila vanin kɔlan niaa laci, ndu pila vanin niaa ikɛi. O faŋannin niaa ikɛi le, o melnin niaa le. Lelan, siòòŋii bii niaa le, la ɲííyà le.»

Condii lisai 106:19

Má toosiaa naw téndóó Horɛb, má muungu piɔm nda cɔw a ciliŋun teengian-ndo sooloo.