Fulaa 3:8 - BII BILA

⁸ Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Fulaa 3:8 Referans Kwoze

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Tɔŋ miingua 1:25

Má kiandu kɔmnde tɔlɔɔlan o lɛŋnde len nin, má cuu naa. O kona nda dɔwnun-ndo nin, má dimi aa: ‹Lɛŋnde Mɛlɛka Hala naa yɔngu naa len le co bɔɔ lɛŋnde kɛndɛ!›

Fulaa 13:5

Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

Yeremi 11:5

O kon, i peelunin kpema yáà yiilu fuɲaa niaa mamaa le nda lɛŋnden yɔngoo-o, lɛŋnde tɔlɔɔlan la naŋ nin taw len pɛɛn, maa mɛɛ niaa co cɔu hau nuaa-yɛ.›» O kon mí muli aa: «Amiina Mɛlɛka!»

Kundalan 13:27

Kona nda dɔwnun-ndo yɔŋnun hoo ni, má dimi aa: «N kɔɛ mí n tiiya o lɛŋnde n vem naa nin-nden nin. Toɲaa, lɛŋnde cɔlua a tɔlɔɔlan la naŋ nin taw-taw len le co ni.

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Condii lisai 34:8

Mɛlɛkanɔ Hala-o co isisi vanaa nɔ siòòŋii Mɛlɛka-e-a ikɛi, ndu baŋa nda o dɛnɛ vɔɔndo hɔl-ndɔ ni.

Fulaa 12:51

Paale len kpeekpei Mɛlɛka soli nda o lɛŋnde Esipte len nin a kundalan ni.

Yeremi 32:22

Má ke nda lɛŋnde nɔm óò mɛnalan fuɲaa ndaa mamaa le nda yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Tɔŋ miingua 27:3

O kon, la sɛva sɔɔn co o tɔŋndo ho nin-ndon kpow o powta lan coo. Lende niaa tosanin paale niaa taŋnin peo Yurdɛn le luɛyɔɔ o lɛŋnde Mɛlɛka Hala niaa ke niaa len nin-nden ni. Lɛŋnde len yɛ, cɔlua a tɔlɔɔlan la naŋ lenin taw-taw, maa mɛɛ Mɛlɛka pila dimul niaa yɛ, Hala fuɲaa niaa mamaa pɛɛn.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

O Kandɔɔ 11:5

Mí Mɛlɛka toal, mó hun mɛɛndan kobio a cɛi coocoo vanndacieea va tangullo-o.

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Esai 64:1

Maa mɛɛ yinnde yɔmii vesɛilen le bii nuaa yɛ, maa mɛɛ mɛmma co ŋolɔɔ-an ma vela yɛ, lende koni yaamɔaa nɔmnda ndáà sinanin diola nɔmndan ni, mí vanaa-mangalaa-isɔɔa ndáà ɲiiya nɔm o hɔl.

Fulaa 34:11

Lelan, bii sɔɔn ya co nɔm hau dimullo-on kpáŋ. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

O Kandɔɔ 18:21

Lelan, i yeema mì tol lon, mì tofa te toɲaa sɔɔn ya co tueyɔɔ a nda o kɔɔ-on co ni. Te o co yɛ dɔ́ɔ́ toɲa le, i co vɛlɛ sina.»

O Kandɔɔ 15:14

Kɛ i dɔawnin vanaa-mangalaa-isɔaa nda vanin o ba o cɛlen nin-nda yɛɛvɛ. O kon mì cuavaa nɔmaa imamaa faŋan o lɛŋnde len nin, mà hin a ɲɛ-sɔlaa taw.

Nehemi 9:8

Má ca maa kɔl ndɔɔ sandu nɔm o hɔl, má yiilu ndu kpemaa, má yɔngu ndu lɛŋnde Kanannda, Hitiia, Amɔnnda, Perisiia, Yebusiia a Kirkasiia, mì cuavaa ndɔa va icali lenin. Nduyɛ, má lo o lediom coo, kani vana sandaa n co ni.

Tɔŋ miingua 28:11

Mɛlɛka yɔngunin niaa ɲɛm kɛndɔn taw o lɛŋnde ndu Mɛlɛka Hala niaa yiilu fuɲaa niaa mamaa kpemaa, mó mɛnalan nda le niaa len yɔngoo len coo. O kenin niaa cuawva taw, o kuinin cɔlua niaa, mò nɛŋi ciɛɔn niaan a tɔlɔɔla niaalan taw-taw.

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

Tɔŋ miingua 1:7

Lelan, la puusiaa dɔ́ɔ́ngɔ́ɔ̀ mì la kɔɛ laci. La kɔ o tàndá n'pembu Amoriia nin a o tàndàla balu lon-ndan kpow nin: dɛɛlala vesɛilan, pembon, dɛngbɛlan, tàndá co o mɛmma ihɛllan kɔngɔ-o, Nekɛv a o mɛnndan demullo. La luɛi o lɛŋnde Kanannda nin a o lɛŋnde Liban-nden nin háá o pee bɛndoo Efrate.

Kundalan 13:19

Mì la mɛɛndan mɛɛ lɛŋnde nda co nin-nden le co yɛ, te le naŋ, te le niŋ te. Mì la tofa vɛlɛ mɛɛ kobila ndalan la co yɛ, te la co lakungaa a kpaki le, te kon te la co lakungaalan a kpakio.

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

O Kandɔɔ 46:4

Ya pila co nɔm liila Esipte lon ni, ya pila koni co vɛlɛ nɔm soli lon ni. Lɔ́ɔ́ n vunin-ndo, Yosɛf kɔɔfiaanin nɔm ni mò kinda nɔm hɔltan.»

Fulaa 5:23

Kabi ya hun soo Faraɔnnɔɔ o lani o diola nɔmndan, saangiaa o co nin Israɛlla-o co o bɔɔ. Nɔm Maalii yɛ, a muli bɛɛ le nda solio o sanga kon nin te.»

Fulaa 12:41

Mɛɛ vɔsila lan la ciŋa kɛmɛ lehiɔɔlu a beleyaa, mí vanaa Mɛlɛka-a fula o lɛŋnde Esipte len nin paale loonannde len kpeekpei.

Tɔŋ miingua 6:3

Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Kundalan 13:18

mì la mɛɛndian lɛŋnden. Mì la tofa mɛɛ le co yɛ a mɛɛ vanaa co lenin-nda co yɛ, mì la dɔw taasi te vanaa kan nɔ kpaayaa, taa nɔ kpaaya le, taa co sɛ́lɛ́, taa co sɛ́lɛ́ le.

Yosue 5:6

Vɔsilan belehiɔɔlu, Israɛlla va hiŋnɔnndo o lɛŋnde veselɛilen nin. O vɔsila lan mɛɛlulan, mí vanpiaandua fula Esipte-a, áà nɔla nin cɔwvo tosaa-a cuu vu kpow le kɛɛ nda kɛɛ sɔɛi Mɛlɛka-e biyɔɔ-o. Kani mí Mɛlɛka mɛnalan nda maa nda cinin lɛŋnde o yiilu fuɲaa ndaa mamaa kpemaa le nda len keo len te, lɛŋnde cɔlua a tɔlɔɔlan la naŋ nin taw-taw len pɛɛn.

Yosue 9:7

Kɛ mí Israɛlla mulul nda aa: «Bɔɔle naa macɛlu niaa co icali ni, vɛ̀ɛ̀ naa n yii yɛnin kpemaa naa niaa?»

1Dɛnnda lemasalan 1:15

Heviia, Arkiia, Siniia,

Condii lisai 12:6

Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»

Esai 36:17

háá mì hin, mì hun kɔ a niaa o lɛŋnde co maa lɛŋnde niaalen nden nin, lɛŋnde maalon a mɔiyan ma co nin-nden, lɛŋnde ɲɛdiaa a rɛsɛnndon co nin-nden.