Fulaa 3:7 - BII BILA

⁷ Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Fulaa 3:7 Referans Kwoze

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Condii lisai 106:44

Kɛ mí Mɛlɛka tuɛi cɛɛŋɔnnda ndalan diom, mó ca sanga nda va nin-ndo,

Condii lisai 34:6

Vanaa co tofaa o ndu lo co naŋɔɔ a ɲaaloo, siɛmbula mingi lɛnin nda hɔlla yifidii le.

Nehemi 9:9

Má ca sanga fuɲaa naa imamaa Esipte, má tuɛi vɛlɛ nda nɔm veeloo le nda malaa, nɛɛ nda va isisi o mɛmma ihɛlma makpɛ̀ndɛ̀an kɔngɔ-a.

Fulaa 22:23

O kon, i tuulu kɔl a niaa, i tuisi niaa cɔwvo coo, la cuu vu kpow, haliko mi laandaa niaa bɛɛ nda siŋnun vanlaandua piaandaa ndaa vi-a, mì poaa niaa bɛɛ siŋnun vííya.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 34:4

La n lisan Mɛlɛka naa niaa latulu. N sangalan diola ndɔlan diom pilɛ!

Fulaa 1:11

O kon mí Esiptea handu Israɛlla mɛlɛsoŋnda coo le nda tundɔɔ o baala lepɔtɔllo nin. O baala kon tosaa, má tangul kobilan tan tiɔn: Pitɔm a Ramsɛs, leFaraɔnnɔɔ vaa baloo mandaa lenin.

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

Condii lisai 22:24

Niaa nɔ siòòŋii Mɛlɛka-e-ya, la lisa ndu! Niaa vanaa fula o polale Yakɔb len nin-nda kpow, la biilu ndu! Niaa fula Israɛl o ipulu-a kpede, la ɲiiya Mɛlɛka o hɔl!

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Condii lisai 142:3

I co ndu cɛɛŋɔnnda nilan cɔmndo, i cɔm ndu mɔnɛi ya co nin-nde.

O Kandɔɔ 18:21

Lelan, i yeema mì tol lon, mì tofa te toɲaa sɔɔn ya co tueyɔɔ a nda o kɔɔ-on co ni. Te o co yɛ dɔ́ɔ́ toɲa le, i co vɛlɛ sina.»

Dɛnnda kiilaa 7:34

I ce sanga bɛndu co yungu nuu coo Esipte-o vakpa. I tuei cɛɛŋɔnnda ndalan, le nda baŋaa ya tol ni. Sunsun, kɔ, i yeema mì i vem nɔm Esipte.›

O Kandɔɔ 16:11

Foli n nɔ hoo-o, vanapɔnɔɔ n co violɔɔ ni, mà ke ndu diolan aa Ismaɛl (kon co dimio ni aa ‹Hala tuɛi›), kani Mɛlɛka tuei nɔm kuŋndan o sanga nɔmndo nin.

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

O Kandɔɔ 31:12

Mó dimul-la aa heelu hɔlla mà tofa. Saa kóndóa co saa laandua helɔɔ-a kpow a nɔ pongan a bungan, a pooɲɛiya nda co ni, kani i ce ɲɛ-ɲɛ Laban co nɔm tosallo.

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

Fulaa 5:6

Paale len, mí Faraɔnnɔɔ dimul mɛlɛsoŋnda a Israɛlaa va kundala vanaa baalaa bollen-nda aa:

Fulaa 5:10

Mɛɛ mɛlɛsoŋnda a Israɛlaa va kundala vanaa baalaa bollen-nda fula o Faraɔnnɔɔ lo, má kɔ dimul Israɛlla aa: «Masaa handu tɔŋndo maa vana kɔa lɛ mò kɔ kondul niaa foeende le kpilikion lɔu le.

Fulaa 33:13

Taa ce ya pɛ ɲia lekɛ́ndɛi, mɛɛ cɔm-ndɔ ya yiyan nɔmndo haliko mi sina nɔm, mì sina dɔ́ɔ́ maa a ce ya ɲia lekɛ́ndɛi. Handɔɔ o kon coo, síná vɛlɛ maa cuavaa nɔmnda kpeekpei vannda ha co ni.»

Kundalan 20:16

O kon mí n koŋul Mɛlɛka o lani, mó tuɛi somisomin naa. Mó viam mɛlɛkanɔɔ, mo kɔ faŋa naa Esipte lon. Sunsun, n tiiya Kadɛs, kobi co o lɛŋnde nɔmnden mɛɛlulan-ndo.

2Samiɛl 22:28

Nɔm ciindiaa vanaa co o sangaa nin-nda ni, nɔm tofa vanaa kuundiannda ni ciŋ, mà tuisi nda siɛmbulan.

2Masaa 13:4

O kon, mí Yoahas tɛɛlun Mɛlɛka, mí Mɛlɛka tuɛi ndu diom. Kani o va dɛnɛ palaa masaa Aram va Israɛlla tuisio coo-o cɔu.

Condii lisai 35:22

Mɛlɛka, nɔm pila co ken cɔu, lelan meì a ndi le dɛ, Maalii! Kɔa ya levil tei!

Fulaa 1:8

Kɛ telenndo pum tiiyaa, mí vana celen sul masaa o lɛŋnde Esipte len nin. Masa kon ndóò síná Yosɛf le.

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

Condii lisai 9:14

Éé Mɛlɛka! Tofa vɔ mɔnɛi yaamɔɔa co ya lueiyo-e, Tuinun ya iɲíí, ma faŋa ya o dio piɔ́mndo sondoo.

Condii lisai 12:6

Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»