Fulaa 3:6 - BII BILA

⁶ Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Fulaa 3:6 Referans Kwoze

Luke 20:37

Le tendul vanvílɛ́iya, Moise cɔm sɔɛi ken kpendekele a dɛnɛ bɔɔ leyinndo o kɔɔ, telen o veelu Mɛlɛka aa: ‹Hala Abraham-ndo, Hala Isaak-o a Hala Yakɔb-o-o pɛɛn.›

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›

Fulaa 4:5

Mí Mɛlɛka dimul ndu aa: «Hee n tosanin ni mì Israɛlla sina maa Hala fuɲaa ndaa mamaa Abraham, Isaak a Yakɔb cɔmnun nɔm lekɛ́ndɛi ni.»

Dɛnnda kiilaa 7:32

‹Ya co Hala fuɲaa nɔmaa mamaa ni, Hala Abraham-ndo, Hala Isaak-o a Hala Yakɔb-o pɛɛn.› Mí Moise ɲiiya a siòònde, o tɔɔndan ndɛ le tofaa le.

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

1Masaa 18:36

Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.

Masaa kialaa n'yamaa 13:22

Mí Manoa dimul laa ndɔ aa: «Lekɛ́ndɛi, vuo naa n co ni, kani n ce Hala a lehɔl.»

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Condii lisai 132:2

Kani ndu yii kpemaa o Mɛlɛka lo ni, mó cua ciɛ́i o Ó-Hiow-Ɲɔɔn-Kpow-vo lo, Hala Yakɔb-o pɛɛn aa:

1Masaa 19:13

Elii tueyɔɔ dɔ́ɔ́ diom kon, mó kuumbun doma ndɔ bɛndoo o hɔl, mó fula, mó sim o buululan sondoo. Mó tuɛi diomndo pum aa: «Elii! Yɛɛ nɛ n hin yɛ tosa nanu?»

Fulaa 29:45

I kɛsinin calta nilan Israɛlla tɛɛn, mì va Hala ndaa.

O Kandɔɔ 32:9

Kani nuaa o va dimio o kɔl nin ni aa: «Te Esau del pɛ kundaa pilɛ coo mò nɔla ndu, kundaa pilɔɔ ɲaanun.»

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 17:3

O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 12:1

Mí Mɛlɛka dimul Abram aa: «Faŋan o lɛŋnde nɔmnde n velun nin-nden nin, faŋan vanayan nɔmndon a yungu fuɲa nɔm-ndo ikɛi, ma kɔɛ o lɛŋnde ya co nɔm cɔm-nden nin.

Hebreea 12:21

Siòònde ndíì bii vana a ɲɛ nda va cɔu-vo ni. Mí Moise dimi aa: «Siòònde co ya bɔɔ, i co ɲiiyaa.»

Dɛnnda kiilaa 7:34

I ce sanga bɛndu co yungu nuu coo Esipte-o vakpa. I tuei cɛɛŋɔnnda ndalan, le nda baŋaa ya tol ni. Sunsun, kɔ, i yeema mì i vem nɔm Esipte.›

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Matie 17:6

Kaandennda tueyɔɔ diom kon, má deli lɛŋ a kuumbuan, mì siòònde bii nda taw.

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Nehemi 9:9

Má ca sanga fuɲaa naa imamaa Esipte, má tuɛi vɛlɛ nda nɔm veeloo le nda malaa, nɛɛ nda va isisi o mɛmma ihɛlma makpɛ̀ndɛ̀an kɔngɔ-a.

Ɛstɛr 3:4

A va ndu sɔɛi pilɛi ken ɲunaa lɔ́ɔ́-lɔ́ɔ̀, kɛ Mardosee ve nda lani yaŋɔɔ le. Mó va nda dimullo maa Yuifnɔɔ o va ni. O kon, má kɔ lɔalu ndu o Haman ndo le sinaa te ndóò lonin o diom o dimi kon-ndo coo.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

O Kandɔɔ 24:12

Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Fulaa 15:2

Mɛlɛka co yoomuma nian a vana ya lisà-o ni. Ndu yɔŋnun vana ciindiaa nuu ni. Ndu co Hala nuu ni, i lisanin ndu. Ndu co Hala fuɲa nuu ni, i sangalanin ndu.

O Kandɔɔ 28:17

Mí siòònde bii ndu, mó dimi aa: «Fondaa ho co bɔɔ fonda kaamaa bɛndu. Nanu ndu kɛsɛ-kɛsɛ Cɛi-Hala-o co nanu, dio halataalaa pɛɛn.»

Fulaa 33:20

Mó cɔɔlu ndu dimul aa: «Kɛ a nɔla ma ce hɔlaa nia le. Kani vanaciee-vanaciee nɔla hɔlaa nia cɔu mò lo yoomu le.»

Tɔŋ miingua 6:3

Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.