Fulaa 3:2 - BII BILA

² Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

Fulaa 3:2 Referans Kwoze

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›

Tɔŋ miingua 33:16

a dɔw nda duaa a kulun sɔvɛn pɛ o lɛŋnden coo-on. Màá kɛndɛi Hala cɔmnun o bɔɔ nin-ndo i hun tol polale Yosɛf len coo! Màá kɛndɛi ken tol polale vana yɔŋnun cua lemasaa puapilɛa ndɔa tɛɛn-ndo len o itendu!

Luke 20:37

Le tendul vanvílɛ́iya, Moise cɔm sɔɛi ken kpendekele a dɛnɛ bɔɔ leyinndo o kɔɔ, telen o veelu Mɛlɛka aa: ‹Hala Abraham-ndo, Hala Isaak-o a Hala Yakɔb-o-o pɛɛn.›

Condii lisai 66:12

Nɔm óò cɛl ni mì vannda va naa huuloo coo o soa. Náà n kei o yinnden nin a o mɛnndan nin, kɛ má soli naa lenin, má ke naa fonda kɛndɛ-kɛndɔɔ.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Daniɛl 3:27

Mí masaa latàndàá, masaa nɔ hɔlten ɲɔɔn coo-a, masaa n'bungaa a vanaa silaa cuungian le nda mɛɛndianndo. Yinnden le nɔla falun ndan lomɔɔ le few, yiiŋii va nda o lebol-le ŋue le, domala ndala bɛndulan bɛɛ la ŋue le, hali cun leyinndo ve nda lekɔɔ le.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

Fulaa 19:18

Mí kumnde mial pembei Sinai, kani Mɛlɛka ndóò tol lon o yinnde bɛndulen nin. Mí kumnde va helɔɔ mɛɛ i fula o tóndó bɛndu leyinndo nin nuaa yɛ. Mí pembei kpow i hiilun voku-voku.

Fulaa 23:20

«I co mɛlɛkanɔɔ vomɔɔ niaa laci le niaa mandaa nɛi-tɛɛn a le niaa yɔɔ o fonda ya bɛɛndial niaa-o.

Fulaa 24:17

Israɛlla va biilu Mɛlɛka-o cɔu o pembei tullo maa yinnde bɛndu-bɛndu.

Masaa kialaa n'yamaa 13:13

Mí mɛlɛkanɔ Hala-o dimul Manoa aa: «Laa nɔm bɛnda mò kpakpala ɲɛm ya cɔm ndu-on kpede.