Fulaa 3:13 - BII BILA

¹³ Mí Moise dimul vɛlɛ Hala aa: «I kɛɛ lɛ le kɔlan te, kɛ te i tiiya pɛ o Israɛlla lo, mì dimul nda aa: ‹Hala fuɲaa niaa mamaa vem ya o niaa lo ni›, a co ya ɲuna aa: ‹Vɛɛ o nɔ yɛ diolan?› Vɛ̀ɛ̀ ya mulul-lɛnin nda?»

Fulaa 3:13 Referans Kwoze

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

O Kandɔɔ 32:29

Mó dimul ndu aa: «Kandɔɔ hau, diola nɔmnda co lɛ aa Yakɔb le, nuaa n nɔ nin diolan ni aa Israɛl. Kani a cɔlɔba a Hala má cɔlɔba a vanndacieea, má tiw nda ba.»

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Masaa kialaa n'yamaa 13:17

Mí Manoa dimul ndu aa: «Cɔm naa diola nɔmndan le nɔm balikaa mello lɔ́ɔ́ sɔɔn nɔmndon peelunnin-ndo.»

Masaa kialaa n'yamaa 13:6

Mí vuɛɛn kon muungu o ndu lo, mó kɔ downun pɔnɔ ndɔ kona aa: «Vana Hala-o pum cɔmnun ya. Vanáà ce ndu pɛ aa mɛlɛkanɔ Hala-o ni, kani kɔndɔfillo ndóò bii vana o ndu tofaa ni. I ɲuna ndu nɛɛ o fula-a le, ndu bɛɛ dimul-la diola ndɔlan te.

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Fulaa 7:16

O kon, a dimul ndu aa: «Mɛlɛka, Hala Hebreea vem ya o nɔm ndo le nɔm dimullo aa nɔm mal cuavaa ndɔa mà kɔ biilu ndu o lɛŋnde veselɛilen nin. Kɛ háá hau, nɔm, á cɛl te.

Esai 52:6

Lelan, vanaa niaa sinanin diola nilan paale len, le hee, a sinanin paale len maa ya co sɔɛi ni, mi va dimio aa: Má cè ya!